ఎన్నికలు ఏవైనా టీఆర్ఎస్ దే గెలుపు

తెలంగాణ రాష్ట్రంలో ఏ ఎన్నికలు జరిగిన కానీ ముఖ్యమంత్రి కేసీఆర్ నాయకత్వంలోని టీఆర్ఎస్ దే అని రాష్ట్ర రవాణా శాఖ మంత్రి వర్యులు పువ్వాడ అజయ్ కుమార్ అన్నారు. ఆదివారం ఉమ్మడి ఖమ్మం జిల్లాలో మంత్రి పువ్వాడ అజయ్ కుమార్ పర్యటించారు.

ఈ పర్యటనలో భాగంగా మంత్రి పువ్వాడ పలు అభివృద్ధి కార్యక్రమాల ప్రారంభోత్సవంలో పాల్గొన్నారు. జిల్లాలోని ఏన్కూర్ లో మార్కెట్ కమిటీ నూతన పాలక వర్గం ప్రమాణ స్వీకారం కార్యక్రమానికి మంత్రి పువ్వాడ అజయ్ కుమార్ ముఖ్య అతిథిగా పాల్గొన్నారు.

ఈ సందర్భంగా మంత్రి పువ్వాడ అజయ్ కుమార్ మాట్లాడుతూ” జిల్లా వ్యాప్తంగా టీఆర్‌ఎస్ పార్టీ ఎదురులేని శక్తిగా ఎదిగిందని చెప్పారు. త్వరలో జరిగే మున్సిపల్ ఎన్నికల్లోనూ గులాబీ జెండా ఎగురవేస్తామని పేర్కొన్నారు. పార్టీకోసం కష్టపడి పనిచేసేవారికి నామినేటెడ్ పదవులు ఇస్తామన్నారు.