నేడు ఏపీ కొత్త సీఎస్‌గా బాధ్యతలు తీసుకోనున్ననీలం సహాని

ఏపీ కొత్త సీఎస్‌గా ఇవాళ బాధ్యతలు తీసుకోనున్నారు సీనియర్ ఐఏఎస్ అధికారిణి నీలం సహాని. ఆమెను సీఎస్‌గా నియమిస్తూ ప్రభుత్వం నిన్న ఉత్తర్వులు జారీ చేసింది. నీలం సహాని 1984 కేడర్‌కు చెందిన ఐఏఎస్ అధికారిణి. మచిలీపట్నంలో అసిస్టెంట్ కలెక్టర్, టెక్కలి సబ్ కలెక్టర్‌, నల్గొండ జిల్లా జాయింట్‌ కలెక్టర్‌గా గతంలో ఆమె బాధ్యతలు నిర్వహించారు. కేంద్ర సాంఘిక సంక్షేమం, సాధికారత మంత్రిత్వ శాఖ కార్యదర్శిగా పనిచేస్తున్న నీలం సహాని ఏపీ కేడర్‌కు రిలీవ్ చేస్తూ కేంద్రం ఉత్తర్వులు జారీచేసింది. ఏపీ సీఎస్‌గా ఉన్న ఎల్వీ సుబ్రహ్మణ్యం ఇటీవలే బదిలీ అయ్యారు. ఇన్‌ఛార్జ్ సీఎస్‌ బాధ్యతల నుంచి నీరబ్ కుమార్ రిలీవ్ చేసింది ప్రభుత్వం.