ఆర్ధిక క్రమశిక్షణే లేని గత ప్రభుత్వం చివరికి అప్పులే మిగిల్చింది..!

రాష్ట్ర ఆర్ధికమంత్రి బుగ్గన రాజేంద్రనాథ్ రెడ్డి గత ప్రభుత్వంలో తీవ్ర స్థాయిలో మండిపడ్డారు. గత ప్రభుత్వానికి ఆర్ధిక క్రమ శిక్షణ లేదని నలబై వేల కోట్ల రూపాయల బిల్లులను పెండింగ్ లో పెట్టి వెళ్లిందని అన్నారు. కేంద్ర ఆర్ధిక మంత్రి నిర్మలా సీతారాం ని కలిసిన బుగ్గన రాష్ట్రానికి ఆర్ధిక సాయం చెయ్యాలని కోరడం జరిగింది. గత ప్రభుత్వ హయంలో రాష్ట్రం అప్పులపాలుకు గురయిందని వివరించారు. ప్రభుత్వ ఏర్పాటు తరువాత మేము చెయ్యాల్సిన అప్పులు కూడా ముందుగా వారే చేసి రాష్ట్రాన్ని అప్పులపాలు చేసారని అన్నారు. నలబై వేల కోట్ల పెండింగ్ బిల్లులు ఉన్నప్పటికే రాష్ట్ర ఆర్ధిక పరిస్థితి దృష్టిలో పెట్టుకొని ఆర్ధిక సాయం అందించాలని  ఆమెను కోరారు.