బిగ్ సెన్సేషన్.. ట్రెండింగ్‌లో పప్పులాంటి వీడియో సాంగ్…!

రాంగోపాల్ వర్మ డైరెక్షన్‌లో వస్తున్న మోస్ట్ కాంట్రవర్సీ మూవీ..కమ్మ రాజ్యంలో కడప రెడ్లు..ఇప్పటికే ఈ చిత్రం టైటిల్ సాంగ్, ట్రైలర్ పెనుదుమారం రేపుతున్నాయి. చంద్రబాబు, లోకేష్, బ్రాహ్మణి, జగన్, పవన్ కల్యాణ్‌ల పాత్రధారులతో పూర్తి వివాదస్పదంగా రూపొందుతున్న ఈ మూవీపై ఇప్పటికే కేసులు కూడా నమోదు అయ్యాయి. ఈ నెలాఖరులో రిలీజ్ అవుతున్న ఈ చిత్రం ప్రమోషన్స్‌లో భాగంగా వర్మ రోజుకో పిక్, రిలీజ్ చేస్తూ భారీగా అంచనాలు పెంచేస్తున్నాడు. తాజాగా పప్పులాంటి అబ్బాయి వీడియో సాంగ్‌ను రిలీజ్ చేశాడు. ఈ పాటలో సైకిల్ గురించి ప్రస్తావిస్తూ..చంద్రబాబు, లోకేష్‌ గురించి, తాత నుండి సైకిల్ లాగేసుకున్న విధానం గురించి…వర్మ చిత్రీకరించాడు. చంద్రబాబు పాత్రధారి, లోకేష్ పాత్రధారి ఏడుస్తూ అన్నం తింటుంటే ప్లేట్‌లో పప్పు వేయడం, బాబు పై లోకేష్ కోపంతో ఊగిపోవడం, మధ‌్యలో లోకేష్‌ అమాయకత్వానికి బ్రాహ్మణి బాధపడుతున్నట్లు వర్మ ఈ పాటలో చిత్రీకరించాడు. అలాగే ఎన్టీఆర్ చిత్ర పటాన్ని చూపిస్తూ తాత నుంచి సైకిల్‌ను లాగేసుకుని, నన్ను తొక్కమనడం ఎలా..నేను ఫారిన్‌కు పోతా అంటూ లోకేష్ పాత్రధారి పాట పాడడం, గదిలో బాబు బాధతో ఉంటే..బయట లోకేష్ బాబును చూపిస్తూ..బ్రాహ్మణితో ఏదో మాట్లాడడం..అంతే కాకుండా లోకేష్ చిప్ప్ తినడం చూసి బ్రాహ్మణి తలకొట్టుకోవడం వంటి సీన్లు నవ్వు పుట్టిస్తున్నాయి. మొత్తంగా వర్మ చంద్రబాబు, లోకేష్, బ్రాహ్మణిలను ఏ ఒక్కరిని వదలకుండా..కుమ్మేసాడని ఈ పాట చూస్తుంటే అర్థమవుతుంది. మొత్తంగా పప్పులాంటి అబ్బాయి సాంగ్ తెగ నవ్వులు కురిపిస్తోంది. ప్రస్తుతం ఈ పాట సోషల్ మీడియాలో ట్రెండింగ్‌గా మారింది.