సీఎం జగన్ పాట బిగ్ బాస్ గెలుపులో కీలకం..రాహుల్ సంచలన వాఖ్యలు

తెలుగు బిగ్‌బాస్ 3 ముగిసింది. టైటిల్ విన్నర్‌గా రాహుల్ సిప్లిగంజ్ నిలవగా, రన్నరప్‌గా శ్రీముఖి నిలిచింది. ఈ నేపథ్యంలో ఊహించని విధంగా టైటిల్ సీక్రెట్ చెప్పాడు రాహుల్ . తనకు బిగ్ బాస్ ట్రోఫీ దక్కడం, ఊహించని రీతిలో ఆడియన్స్ నుంచి ఓట్లు పోల్ కావడం వెనుక సీక్రెట్ ఇదే అయి ఉండొచ్చు అంటూ ఓపెన్ అయ్యాడు రాహుల్. తాజాగా ఓ ఇంటర్వ్యూలో పాల్గొన్న ఆయన తన విజయం వెనుక వైఎస్ జగన్ అభిమానుల పాత్ర ఉందని అనేశాడు. తనకు బయటికి వచ్చిన తర్వాతే ఈ నిజం తెలిసిందని ఈ సందర్బంగా ఆయన పేర్కొంటూ షాకిచ్చాడు. ఇటీవల జరిగిన ఆంధ్రప్రదేశ్ అసెంబ్లీ ఎన్నికలకు ముందు వైఎస్ జగన్ పై స్వయంగా ఓ పాట కంపోజ్ చేసి పాడాడు రాహుల్ సిప్లిగంజ్. దీంతో అది వైఎస్ అభిమాన వర్గాలను రాహుల్‌కి బాగా దగ్గర చేసింది. సో.. ఆ కారణంగానే జగన్ ఫ్యాన్స్ అందరు రాహుల్‌కు ఓటేసి ఉంటారని కూడా చర్చ నడుస్తోంది. ఇలాంటి తరుణంలో జగన్ పాట తన గెలుపులో కీ రోల్ ప్లే చేసిందని రాహులే స్వయంగా చెప్పడం హాట్ టాపిక్ అయింది.