సరికొత్తగా చిరు

టాలీవుడ్ సీనియర్ హీరో ,మెగా స్టార్ చిరంజీవి తన సినిమా కెరీర్లోనే ఇప్పటివరకు నటించని పాత్రలో తెలుగు సినిమా ప్రేక్షకుల ముందుకు రాబోతున్నాడు. ఇటీవల విడుదలై బాక్స్ ఆఫీస్ దగ్గర కాసుల వర్షం కురిపించిన సైరా నరసింహా రెడ్డి బిగ్ హిట్ తో మంచి ఊపులో ఉన్న చిరు తాజాగా సందేశాత్మక చిత్రాలను తెరకెక్కించే ప్రముఖ దర్శకుడు కొరటాల శివ దర్శకత్వంలో నటించనున్నాడు.

ఈ మూవీలో చిరంజీవి ఒక ఎపిసోడ్ లో నక్సలిజం బ్యాక్ డ్రాప్ గా నడిచే పాత్రలో నటించనున్నారు అని ఫిల్మ్ నగర్లో వార్తలు వినిపిస్తున్నాయి. మొన్న దసరా పండుగ నాడు ఈ చిత్రం యొక్క పూజా కార్యక్రమాలు ప్రారంభమైన సంగతి విదితమే.

ఈ మూవీలో చిరంజీవి చాలా రోజుల తర్వాత డ్యూయల్ రోల్ లో కన్పించనున్నారు. ఈ నెల ఇరవై ఐదో తారీఖున ఈచిత్రం యొక్క రెగ్యూలర్ షూటింగ్ హైదరాబాద్ లో ప్రారంభం కానున్నది అని చిత్రం యూనిట్ ప్రకటించింది.