బిగ్ బ్రేకింగ్ న్యూస్..బిగ్ బాస్ విన్నర్ రాహుల్..రన్నర్‌గా శ్రీముఖి..?

బిగ్ బాస్ 3 టైటిల్ కోసం హోరాహోరీగా జరిగిన ఓటింగ్‌ ఇప్పుడు హల్ చల్ చేస్తున్నాయి. రేపటితో బిగ్‌బాస్‌ 3 ఘట్టం ముగుస్తుంది. ఓట్లు వేయడానికి డెడ్‌లైన్‌ ముగియడంతో తీర్పు ఈపాటికే ఖరారైపోయింది. దీంతో లీకువీరులు విన్నర్‌ ఎవరో తేలిపోయింది.. అంటూ ఓ వార్తను ప్రచారం చేస్తున్నారు. ఓటింగ్‌లో దుమ్ము లేపిన రాహుల్‌ సిప్లిగంజ్‌, శ్రీముఖి ఇంచుమించు సమానంగా ఉన్నప్పటికీ చివరాఖరకు వచ్చేసరికి మాత్రం రాహుల్‌కు విపరీతంగా ఓట్లు పోలయ్యాయని వారు అభిప్రాయపడ్డారు. రాహుల్‌ సిప్లిగంజ్‌ టైటిల్‌ను ఎగరేసుకుపోయాడని దండోరా వేస్తున్నారు. మొన్నటివరకు టైటిల్‌ ఫేవరెట్‌గా ఉన్న శ్రీముఖి.. రాహుల్‌కు వచ్చిన ఓట్ల సునామీలో కొట్టుకుపోయిందని లీకువీరులు జోస్యం చెప్తున్నారు. అయితే బిగ్‌బాస్‌ 3 విజేత ఎవరో అధికారికంగా ప్రకటించేవరకు వేచి చూద్దాం.