తల్లిగా అమల

అక్కినేని అమల ఒక యువ హీరో సినిమాలో తల్లి పాత్రలో కన్పించనున్నారు. కెరీర్ మొదటి నుంచి మంచి సెలెక్టివ్ పాత్రల్లో కన్పించే అక్కినేని అమల తాజాగా శర్వానంద్ కథానాయకుడిగా డ్రీమ్ వారియర్ సంస్థ నిర్మిస్తోన్న చిత్రంలో తల్లిగా నటించేందుకు ఒప్పుకున్నట్లు ఈ చిత్రం యూనిట్ చెబుతుంది.

శ్రీకార్తిక్ దర్శకత్వంలో ఎస్ఆర్ ప్రకాష్ బాబు,ఎస్ఆర్ ప్రభు నిర్మాతలుగా వ్యవహారిస్తున్నారు. నిన్న శుక్రవారం నుంచి హైదరాబాద్ పరిసర ప్రాంతాల్లో రెండో షెడ్యూల్ షూటింగ్ ప్రారంభమైంది. “కథాంశాల ఎంపికలో ఎంతో ప్రాధాన్యత ఇచ్చే అమల ఈ మూవీలో కొత్తదనం కన్పించేలా పాత్ర చిత్రీకరణ ఉండటంతో ఆమె గ్రీన్ సిగ్నల్ ఇచ్చారు .

అక్కినేని అమల ,రవి రాఘవేంద్ర పాత్రల మధ్య ఉన్న కీలక ఘట్టాల చిత్రీకరణ జరుగుతుంది. స్నేహాం ,ప్రేమ మధ్య బంధాన్ని ఆవిష్కరిస్తూ ఈ సినిమా సాగుతుంది.తరుణ్ భాస్కర్ అందించిన మాటలు ఈ మూవీకి ఎంతగానో బలం చేకూరుస్తాయి. వచ్చే ఏడాది వేసవిలో ఈ చిత్రాన్ని విడుదల చేయడానికి ప్రణాలికలు సిద్ధమవుతున్నాయని” చిత్రం బృందం పేర్కొన్నది.