పొలిటికల్ మెగాస్టార్ కోసం వచ్చిన సినీ మెగాస్టార్..!

ఆంధ్రప్రదేశ్ పొలిటికల్ స్టార్ కోసం టాలీవుడ్ మెగాస్టార్ చిరంజీవి విజయవాడ వచ్చారు. హైదరాబాద్ నుండి ప్రత్యేక విమానంలో గన్నవరం విమానాశ్రయానికి చేరుకున్న చిరంజీవి అక్కడి నుండి సీఎం జగన్మోహన్ రెడ్డిని కలవడానికి వెళ్లారు. పెద్దఎత్తున చిరంజీవి అభిమానులు ఆయనను చూడటానికి చేరుకున్నారు. చిరంజీవి తనయుడు, సైరా నిర్మాత రామ్ చరణ్ తేజ్ కూడా సీఎంను కలుస్తున్నారు. అయితే చిరంజీవిని సినిమాల్లో అభిమానించే అభిమానులకు చాలా మందికి రాజకీయంగా జగన్ ని ఇష్టపడతారు. గతంలో పలుమార్లు జగన్ చిరంజీవి యాదృచ్చికంగా కలిసినా ప్రస్తుతం వీరిద్దరి కలయిక చర్చనీయాంశంగా మారింది. సైరా చూడాలని సీఎంను కోరటానికే అని చెప్తున్నా పలు రాజకీయ అంశాలు చర్చకు వస్తాయంటూ పలువురు చర్చించుకుంటున్నారు.