సీఎం కేసీఆర్ మరో సంచలన నిర్ణయం

తెలంగాణ రాష్ట్ర ముఖ్యమంత్రి,అధికార టీఆర్ఎస్ అధినేత కేసీఆర్ మరో సంచలన నిర్ణయం తీసుకున్నారు. ఇందులో భాగంగా జీవన ఆధారం కోసం గల్ఫ్ దేశాలకు వలస వెళ్ళిన తెలంగాణ రాష్ట్రానికి చెందిన కార్మికులు,ప్రజల కోసం ఆయన గల్ఫ్ దేశాలకు వెళ్ల నున్నారు.

ఈ క్రమంలో అందరూ తెలంగాణ రాష్ట్రానికి తిరిగి రావాల్సిందిగా ఆయన కోరనున్నారు. రాష్ట్రంలో ఏ జిల్లా నుండి ఎంతమంది గల్ఫ్ దేశాలకు బ్రతుకు దెరువు కోసం వెళ్ళారో తెలుసుకోవడానికి ముఖ్యమంత్రి కేసీఆర్ ఎమ్మెల్యేలందరితో సమావేశమవుతారని సమాచారం. అంతేకాకుండా గల్ఫ్ దేశాలకు వెళ్లిన వారికోసం ఒక ప్రత్యేక విధానాన్ని తీసుకురానున్నట్లు ఆయన చెప్పినట్లు సమాచారం.