మరో అంతర్జాతీయ వన్డేకు విశాఖ రెడీ…!

పోతినమల్లయ్యపాలెంలోని ఏసీఏ-వీడీసీఏ స్టేడియంలో డిసెంబరు 18న భారత్‌, వెస్టిండీస్‌ జట్ల మధ్య వన్డే మ్యాచ్‌కు రంగం సిద్ధమవుతోంది. డిసెంబరులో వెస్టిండీస్ భారత్ లో పర్యటించనుంది. ఇందులో భాగంగా మూడు టీ20, మూడు వన్డే మ్యాచ్‌లు ఆడనుంది. డిసెంబరు 6 నుంచి జరగనున్న టీ20 సిరీస్‌కు వరుసగా ముంబై, తిరువనంతపురం, హైదరాబాద్‌ ఆతిథ్యమివ్వనుండగా,15న జరిగే తొలి వన్డేకు చెన్నైలోని చిదంబరం స్టేడియం,  డిసెంబరు 18న జరిగే రెండో వన్డేకు ఏసీఏ వీడీసీఏ స్టేడియం వేదికగా నిలవనుంది. ఇక చివరి వన్డే 22న కటక్ లో జరుగుతుంది.