ఎన్టీఆర్..రాంచరణ్ అభిమానులకు పూనకాలే..RRR పూర్తి టైటిల్ ఇదే

రాజమౌళి దర్శకత్వంలో వస్తున్న భారీ బడ్జెట్ చిత్రం ఆర్‌ఆర్‌ఆర్. ఇప్పటికే టాక్ ఆఫ్ ద టౌన్‌గా మారుతున్న ఈ సినిమా అప్‌డేట్లు తాజా అనౌన్స్‌మెంట్లతో మరింత ఆసక్తి రేపుతున్నాయి. దాదాపు 400 కోట్ల భారీ బడ్జెట్ తో డీవీవీ దానయ్య నిర్మిస్తున్న ఈ చిత్రంలో కొమురం భీంగా ఎన్టీఆర్.. అల్లూరి సీతారామరాజుగా రాంచరణ్ నటిస్తున్నారు. 2020 జూలై 30న రిలీజ్ కు ప్లాన్ చేశారు. ప్రస్తుతం రామౌజీ ఫిలింసిటీలో దీని షూటింగ్ జరుగుతోంది. అయితే బాహుబలి సినిమాకు ముందే టైటిల్ ఫిక్స్ చేసి అన్ని భాషలకు ఒకటే టైటిల్ తో వెళ్లిన రాజమౌళి.. ప్రస్తుతం ఆర్ఆర్ఆర్ కు మాత్రం.. ఏ భాషకు ఆ భాషలో సపరేట్ టైటిల్ పెట్టాలని యోచిస్తున్నట్టు తెలిసింది. తెలుగులో ఆర్ఆర్ఆర్ కు ‘రామ రౌద్ర రుషితం’ అనే టైటిల్ ను అనుకుంటున్నట్టు తెలిసింది. ఇక ఇతర భాషల్లో ‘రైజ్ రివోల్డ్ రివేంజ్’ అని పెట్టబోతున్నారట..