భూపాలపల్లి ఎమ్మెల్యే గండ్ర దంపతులను ఆశీర్వదించిన శ్రీ స్వాత్మానందేంద్ర సరస్వతి..!

విశాఖ శ్రీ శారదాపీఠం ఉత్తరాధికారి శ్రీ శ్రీ శ్రీ స్వాత్మానందేంద్ర సరస్వతిస్వామి వారి హిందూ ధర్మ ప్రచారయాత్ర ఉమ్మడి వరంగల్ జిల్లాలో దిగ్విజయవంతంగా కొనసాగుతుంది. ఈ రోజు శనివారం నాడు ఉదయం శ్రీ స్వాత్మానందేంద్ర సరస్వతి స్వామి వారు భూపాల్ పల్లి నియోజకవర్గ శాసనసభ్యులు గండ్ర వెంకటరమణ రెడ్డి, వరంగల్ జెడ్పీ చైర్మన్ గండ్ర జ్యోతి దంపతుల నూతన గెస్ట్ హౌస్ లో ప్రత్యేక పూజలు నిర్వహించారు. ఈ సందర్భంగా గండ్ర కుటుంబ సభ్యులను స్వామివారు ఆశీర్వదించారు.ధర్మ ప్రచారయాత్ర లో భాగంగా స్వామి వారు మారుమూల గ్రామాలను కూడా సందర్శించడం జరుగుతుంది. భక్తుల కోరిక మేరకు స్వామివారు స్వయంగా వారి ఇండ్లకు వెళ్లి పాదపూజల్లో పాల్గొని ఆశీర్వదిస్తున్నారు. ఈ కార్యక్రమంలో స్వామి వారి రెండు తెలుగు రాష్ట్రాల ధర్మ ప్రచారయాత్ర కన్వీనర్, దరువు ఎండీ చెరుకు కరణ్ రెడ్డి, నగర ప్రముఖులు, భక్తులు పాల్గొన్నారు.