కర్నూలు జిల్లాలో ఆరుగురు ఎస్సైలు సైరా సినిమాకు.. బదిలీ చేస్తున్నట్లు ఎస్పీ ఆదేశాలు

టాలీవుడ్ మెగాస్టార్‌ చిరంజీవి నటించిన ‘సైరా’సినిమా నేడు విడుదలయ్యింది. అక్టోబర్ 2న గాంధీజయంతి సందర్బంగా ఈ సినిమాను విడుదల చేశారు. దీంతో మెగా అభిమానులంతా అర్థరాత్రి నుంచే థియేటర్లకు క్యూ కట్టారు. అయితే కొందరు పోలీసులు కూడా చిరు సినిమా కోసం పడిగాపులు పడ్డారు. కర్నూలు జిల్లాలో ఆరుగురు ఎస్సైలు సైరా సినిమాకు వెళ్లారు. వేకువజామున కోవెలకుంట్లలో ఆరుగురు ఎస్సైలు ‘సైరా’ సినిమాకు వెళ్లారు. అయితే ఆన్ డ్యూటీలో ఉండి సినిమాకు ఎలా వెళ్తారంటూ పై అధికారులు సీరియస్ అయ్యారు. ఎలాంటి సమాచారం లేకుండా సినిమాకు వెళ్లిన ఆరుగురు ఎస్సైలపై చర్యలు తీసుకున్నారు. వెంటనే వారిని వీఆర్‌కు బదిలీ చేస్తున్నట్లు ఎస్పీ ఫకీరప్ప ఆదేశాలు జారీ చేశారు . ఆంధ్రప్రదేశ్‌లో అర్ధరాత్రి 1 గంట నుంచే షోలు వేసుకొనేందుకు ప్రభుత్వం అనుమతి ఇచ్చిన సంగతి తెలిసిందే.