క్రీడాభిమానులకు శుభవార్త

రేపు బుధవారం ఏపీలోని విశాఖపట్టణం వేదికగా టీమిండియా మూడు టెస్టుల సిరీస్ లో భాగంగా సౌతాఫ్రికాతో తలపడనున్న సంగతి విదితమే. ఈ మ్యాచ్ కు ఇప్పటికే బీసీసీఐ రిషబ్ పంత్ ను తప్పించి మిగతా జట్టును ఖరారు చేసి ఈ రోజు మంగళవారం ప్రకటించింది.

తొలి టెస్టు మ్యాచ్ ఆడనున్న టీమిండియాలో విరాట్ (కెప్టెన్),అజింక్యా రహానె(వైస్ కెప్టెన్),రోహిత్,అగర్వాల్,పుజారా,హనుమ విహారి,రవిచంద్రన్ అశ్విన్,జడేజా,వృద్ధి మాన్ సాహా,ఇషాంత్,మహ్మద్ షమీ లు ఉన్నారు.

అయితే విశాఖ వేదికగా జరగనున్న ఈ మ్యాచ్ సందర్భంగా క్రీడాభిమానులకు శుభవార్త. అందులో విద్యార్థులకు ఈ మ్యాచ్ చూడటానికి ఉచితం అని చెబుతున్నారు. పాఠశాల,కళాశాలల్లో చదివే విద్యార్థులు తమ తమ ఐడెంటీ కార్డులను చూపిస్తే ఉచితంగా మ్యాచ్ ను చూడోచ్చు. అయితే విద్యార్థులతో వచ్చే తల్లిదండ్రులు మాత్రం టికెట్లను కొనాల్సిందే.