‘చంద్రబాబు ఇంటూ చంద్రశేఖర్‌రావు ఈక్వల్‌ టూ..ఏం వస్తాదో ఈ వీడియో చూడాల్సిందే

‘జబర్దస్త్‌, ఢీ, పోవే పోరా’ వంటి టెలివిజన్‌ షోస్‌ ద్వారా పాపులర్‌ అయిన సుడిగాలి సుధీర్‌ హీరోగా, ధన్య బాలకృష్ణ హీరోయిన్‌గా నటిస్తున్న చిత్రం ‘సాఫ్ట్‌వేర్‌ సుధీర్‌’. శేఖర ఆర్ట్‌ క్రియేషన్స్‌ బ్యానేర్‌పై కె.శేఖర్‌ రాజు నిర్మిస్తున్నారు. రాజశేఖర్‌రెడ్డి పులిచర్ల దర్శకుడిగా పరిచయమవుతున్నారు. ప్రజా గాయకుడు గద్దర్‌, ప్రముఖ నటి ఇంద్రజ, షాయాజీ షిండే, పోసాని కృష్ణమురళి ముఖ్య పాత్రల్లో నటిస్తున్నారు. అంతేకాదు ఇది డా. ఎన్‌.శివప్రసాద్‌ నటించిన చివరి చిత్రం కావడం విశేషం. ఈ చిత్రం టీజర్‌ను తాజాగా విడుదల చేశారు. స్టయిలిష్‌ లుక్‌లో సుధీర్‌ ఎంట్రీతో టీజర్‌ విడుదలైంది. ‘ఐరన్‌ మాన్‌కి అక్కలాగా, డైనోసార్‌ డాటర్‌లా ఉన్నావ్‌ నువ్వు కోచా’ అంటూ తనదైన కామెడీ టైమింగ్‌లో సుధీర్‌ చెప్పే డైలాగ్‌, ‘నీ ఫేస్‌కి గేసే పడరు…దాని గ్రేస్‌ చూశావా..’ అంటే ‘హలో రావుగారు చీపురు చూపించి కేజ్రీవాల్‌గారు సీఎం అయ్యారు, ఛాయ్ వాలా దేశానికి పీఎం అయ్యారు నేను ట్రై చేస్తే ఆ అమ్మాయికి బిఎఫ్‌ అవ్వలేనా’, ‘చంద్రబాబు ఇంటూ చంద్రశేఖర్‌రావు ఈక్వల్‌ టూ చందు అని మా ఫ్రెండ్స్‌ అంటుంటారు’ అని చెప్పే డైలాగ్స్‌ చాలా బాగున్నాయి. ముఖ్యంగా సుధీర్‌ కామెడీ టైమింగ్‌ గురించి మనందరికీ తెలిసిందే.. టీజర్‌లో ఆయన చెప్పే డైలాగ్స్‌కి మంచి ప్రశంస వస్తోంది. మా చిత్రం ప్రస్తుతం నిర్మాణాంతర కార్యక్రమాలు జరుపుకుంటుంది. త్వరలోనే ప్రీ రిలీజ్‌ ఫంక్షన్‌ జరిపి ట్రైలర్‌ని విడుదల చేస్తాం” అని నిర్మాత కె.శేఖర్‌రాజు అన్నారు.