యాంకర్ రష్మీ, సుధీర్ రొమాన్స్ వీడియో వైరల్.. పీక్ స్టేజ్‌లో డోస్

బుల్లితెరపై యాంకర్ రష్మీ, సుడిగాలి సుధీర్ కలిసి కనిపిస్తే చాలు ఆడియన్స్‌కి అదో కిక్కు. వీళ్లిద్దరి మధ్య నడిచే కెమిస్ట్రీ, పంచు డైలాగులు, ఒకరిపై ఒకరు కొంటె చూపులు.. ఒక్కటేంటి ఇలా చెప్పుకుంటూ పోతే అన్నీ కూడా హైలైటే. ఇక రష్మీ-సుధీర్ మధ్య లవ్ ట్రాక్ గురించి ప్రత్యేకంగా చెప్పాల్సిన పనిలేదు. ఈ ఇద్దరి నడుమ ఏదో నడుస్తోందని కొన్నేళ్లుగా ప్రచారం జరుగుతూనే ఉంది. వీళ్లిద్దరిపై యూట్యూబ్‌ చానెళ్లలో వచ్చినన్ని రూమర్లు మరే ఇతర సెలెబ్రిటీలపై కూడా రాకపోవడమే. వీళ్లిద్దరూ ప్రేమలో ఉన్నారని, డేటింగ్ చేసుకుంటున్నారని, పెళ్లి చేసుకోబోతున్నారని.. ఇలా ఎన్నో పుకార్లు షికార్లు చేస్తునే ఉన్నాయి. ఇలాంటి పరిస్థితుల్లో ఈ ఇద్దరూ చేసిన రొమాన్స్ వీడియో నెట్టింట వైరల్ అవుతోంది. ఈ దసరాకు సూపర్బ్ స్కిట్ తయారుచేసి ప్రేక్షకుల ముందుంచబోతున్నారు. ‘సుధీర్ గాడి ఇంట్లో దెయ్యం’ పేరిట ప్రేక్షకులకు కిక్కిచ్చే స్పెషల్ ఎపిసోడ్ ప్లాన్ చేశారు ఈవెంట్ నిర్వాహకులు. ఈ ప్రోమో వీడియోలో చూపించిన సన్నివేశాలు దసరా ట్రీట్ ఏ రేంజ్‌లో ఉండనుందో చెప్పకనే చెప్పేశాయి. రష్మీ-సుధీర్ కెమిస్ట్రీ, రొమాంటిక్ సీన్స్ పీక్ స్టేజ్‌లో ఉన్నాయి. దీంతో ప్రోమోలోనే రష్మీ, సుధీర్ డోస్ ఇలా ఉందంటే.. ఇక ఎపిసోడ్‌లో ఎలా ఉంటుంది అని ఊహల్లో తేలిపోతున్నారు ప్రేక్షకులు.