ఐరన్ లెగ్ ఒక్కసారిగా గోల్డెన్ లెగ్ ఎలా అయ్యిందో.. ఒక లుక్ వెయ్యాల్సిందే !

పూజా హెగ్డే…ఈ హీరోయిన్ ఏ ఇండస్ట్రీలో అడుగుపెట్టినా మొదటి సినిమా అట్టర్ ఫ్లాప్ అవ్వడం ఖాయం. ఆ సమయంలోనే ఈ ముద్దుగుమ్మకు ఐరన్ లెగ్ అని పేరు కూడా పెట్టేసారు. టాలీవుడ్ లో తాను నటించిన  ముకుందా, ఒక లైలా కోసం చిత్రాలు ఫ్లాప్ అయ్యాయి. ఇవే కాకుండా మొహెంజదారో, మాస్క్ చిత్రాలు కూడా డిజాస్టర్లు గా మిగిలిపోయాయి. అయినప్పటికీ ఇండస్ట్రీ ఈమెను వదులుకోలేదు. ఎందుకంటే తన ఫిజిక్, హైట్ వల్ల పెద్ద హీరోలకు సరైన హీరోయిన్ తనే. అయితే దీని తర్వాత అల్లు అర్జున్ సినిమాలో నటిచింది. అది హిట్ కాకపోయినా కొంచెం పర్వాలేదు అనిపించేలా ఉంది. ఆ తరువాత మహర్షి సినిమాతో ఒక్కసారిగా తన ఫేమ్ మారిపోయింది. ఐరన్ లెగ్ కాస్తా గోల్డెన్ లెగ్ గా మారిపోయింది. మొన్న వచ్చిన వాల్మీకి చిత్రలో చేసింది కొద్ది సమయం అయినప్పటికీ.. తన కెరీర్ మారిపోయిందని చెప్పాలి. ఈ దెబ్బతో ఇప్పుడు అల్లు అర్జున్, మహేష్ తో చిత్రాలకు అవకాసం వచ్చింది. ఇవి గాని హిట్ అయితే ఇంక అమ్మడుని ఆపడం కష్టమే.