కోటీశ్వరుల జాబితాలో తెలుగోళ్లు

ఒక ప్రముఖ సంస్థ వెల్లడించిన దేశంలోనే కోటీశ్వరుల జాబితాలో తెలుగు రాష్ట్రాలకు చెందిన కొంతమంది చేరారు. మొత్తం రూ.3.80 లక్షల కోట్ల సంపదతో రిలయన్స్ అధినేత,ప్రముఖ వ్యాపారవేత్త ముకేష్ అంబానీ మొదటి స్థానంలో నిలిచాడు.

తాజాగా దేశంలో శ్రీమంతుల సంఖ్య తొమ్మిది వందల యాబై మూడుకు చేరింది. వీరిలో మొత్తం డెబ్బై నాలుగు మంది తెలుగోళ్ళు ఉండగా.. టాప్ 100లో ఐదుగురు తెలుగోళ్లు ఉన్నారు.

ఈ టాప్ 100లో ఉన్నవాళ్లల్లో అరబిందో ఫార్మా అధినేత రాంప్రసాద్ రెడ్డి రూ.14,800కోట్లతో 51వ స్థానంలో ఉన్నారు. మేఘా ఇంజనీరింగ్ సంస్థ లకు చెందిన పిచ్చి రెడ్డి, కృష్ణా రెడ్డిలు వరుసగా 57,63వ స్థానాల్లో నిలిచారు. దివీస్ ల్యాబ్ కు చెందిన సత్ చంద్ర ,నీలిమా 83,89వ స్థానాల్లో ఉన్నారు.