గోదావరిలో పరిస్థితి ఈ విధంగా ఉంటుంది.. అందుకే ఇంత ప్రాణ నష్టం జరిగింది.. కోడిగుడ్ల వెంకట రమణ

పాపికొండల విహారయాత్రకు వెళ్తూ వస్తున్న తూర్పుగోదావరిలో జరిగిన బోటు ప్రమాదం తెలుగు రాష్ట్ర ప్రజలందరినీ తీవ్ర దిగ్భ్రాంతికి గురి చేసింది. దేవీపట్నం వద్ద జరిగిన ఈప్రమాదం పై ఇప్పటికే అందరూ సానుభూతి వ్యక్తపరుస్తున్నారు. ఈ ప్రమాదంలో ఇప్పటి వరకు తొమ్మిదిమంది చనిపోగా 27మంది సురక్షితంగా ఒడ్డుకు చేరుకున్నారు. మరో 24 మంది కోసం అగ్నిమాపక గజ్జి వేటగాళ్ల బృందాలు ముమ్మరంగా గాలిస్తున్నాయి. అయితే ఈ ప్రమాదానికి సంబంధించి బోటు యజమాని ప్రమాదానికి గల కారణాన్ని వెల్లడించారు.

ఎగువన కురుస్తున్న వర్షాలకు గోదావరిలో వరద ఉధృతి భారీగా పెరిగిందని ఈ కారణంగా దేవీపట్నం మండలంలోకి వచ్చే సరికి వరద ఉధృతి పెరగడంతో ఒక్కసారిగా ఫ్లోటింగ్ ఎక్కువైందని ఈసందర్భంగా బోటు డ్రైవర్ అదుపు చేయలేక పోవడంతో ఈ ప్రమాదం జరిగిందని చెప్పాడు. తిరగబడిన ప్రాంతంలో భారీ సుడిగుండం ఉంటుందని దాంతో ఆ బోటుకు మళ్ళించడం లేదా పక్కకు తిప్పడం వంటివి చేసి ఉండవచ్చని, ఇలా చేయడం వల్లే ఈ ప్రమాదం జరిగి ఉంటుందని కోడిగుడ్ల వెంకటరమణ తెలిపారు. బోటులో 90మంది ప్రయాణికులు 150 మందికి లైఫ్ జాకెట్లు ఉన్నాయని తెలిపాడు. భోజన విరామ సమయంలో భోజనం చేసే సమయంలో లైఫ్ జాకెట్లు తీయడం వల్ల భారీ నష్టం జరిగిందని ఆయన తెలిపారు.