ఎన్టీఆర్ కథానాయకుడు, మహానాయకుడు చిత్రాలు అట్టర్ ఫ్లాప్.. చలో ఆత్మకూరు చెత్త సినిమా

టీడీపీ అధినేత చంద్రబాబును విమర్శించడంలో వైసీపీ ఎంపీ విజయసాయి రెడ్డి స్టైలే వేరు.. తరచూ ట్విట్టర్ వేదికగా విజయసాయిరెడ్డి చంద్రబాబు లోకేశ్ లను టార్గెట్ చేస్తుంటారు. తాజాగా విజయసాయి రెడ్డి చంద్రబాబును విమర్శిస్తూ చేసిన ట్వీట్ ఆసక్తికరంగా మారింది.  గతంలో చంద్రబాబు ఆద్వర్యంలో నిర్మించిన ఎన్టీఆర్ కథానాయకుడు, మహానాయకుడు సినిమాలు అట్టర్ ఫ్లాప్ అయ్యాయని ఆయన తెలిపారు.

అసెంబ్లీ ఎలక్షన్లలో ఘోర పరాజయం తర్వాత ఇప్పుడు మళ్లీ చంద్రబాబు ఛలో ఆత్మకూరు అనే చెత్త సినిమాను వదిలారంటూ విజయసాయి రెడ్డి ఎద్దేవా చేశారు. సంక్షేమ కార్యక్రమాలతో ముఖ్యమంత్రి జగన్మోహన్ రెడ్డి దూసుకుపోతుంటే ఏడుపుగొట్టు చర్యలతో చంద్రబాబు మరింత పతనం అవుతున్నారని విజయసాయి విమర్శించారు. చంద్రబాబు, టీడీపీ నేతలపై విజయసాయిరెడ్డి ప్రతి రోజు ట్విట్టర్ లో విమర్శలు మోత మోగిస్తున్నారు.