ఈ ఒక్కసారికి వరుణ్ తేజ్ ను నమ్మండి..కంటెంట్ ఓకే !

వరుణ్ తేజ్, పూజా హెగ్డే జంటగా నటిస్తున్న చిత్రం ‘వాల్మీకి’. ఈ చిత్రాన్ని హరీష్ శంకర్ తెరకెక్కిస్తున్నాడు. ఈ చిత్రం సెప్టెంబర్ 20న ప్రేక్షకుల ముందుకు రానుంది. మొదటిసారి వరుణ్ నెగటివ్ రోల్ లో చేస్తున్నాడు. ఈ చిత్రం తమిళ్ చిత్రం జిగర్తాండా రీమేక్. అసలు విషయానికి వస్తే.. ఈ తమిళ్ మూవీ సమయం మొత్తం 2 గంటల 41 నిమషాలు కాగా మనకి వచ్చేసరికి దీనిని 10నిమషాలు పొడిగించడం జరిగింది. దాంతో ఈ చిత్రం ఇప్పుడు మొత్తం  2గంటల 51 నిమషాలకు చేరుకుంది. తెలుగు ప్రేక్షకులు అయితే సినిమా బాగుంటే ఎంత లెంగ్త్ ఉన్నా ఆధరిస్తారు. దీనికి ఉదాహరణే రంగస్థలం, భారత్ అనే నేను చిత్రాలు. ఈ రెండు చిత్రాలు ఎక్కువ లెంగ్త్ ఉన్నప్పటికీ ప్రేక్షకులు బాగానే ఆదరించారు. మరి ఇప్పుడు వాల్మీకి కూడా అలానే ఉంది. ఇందులో ముఖ్యంగా హరీష్ శంకర్ ఒరిజినల్ సినిమాలో కొన్ని మార్పులు చేసి శోబన్ బాబు ‘ఎల్లువచ్చి గోదారమ్మ’ సాంగ్ రీమేక్ పెట్టాడు. మరి వరుణ్ చేస్తున్న ఇంత లెంగ్త్ సినిమా హిట్ అవుతుందా లేదా అనేది వేచి చూడాల్సిందే.