బిగ్ బాస్ లో కోపంతో విరుచుకుపడిన పునర్నవి..నాకు ఎక్కడెక్కడా టచ్ అయ్యాయో తెలుసా?

తెలుగు లో ప్రసారం అవుతున్న బిగ్ బాస్ రియాల్టీ షో రోజు రోజుకు చాలా రసవత్తరంగా ముందుకు సాగుతుంది. ఎవరు ఊహించని విధంగా ఎలిమినేషన్స్ జరుగుతున్నాయి. థ్రిల్లింగ్ టాస్క్‌లతో బిగ్ బాస్ హౌస్ మేట్స్‌తో తెగ ఆటపట్టిస్తున్నాడు. వారిలో వారికే గొడవలు పెడుతున్నారు. తాజాగా ఈరోజు ఎపిసోడ్‌కు సంబంధించి స్టార్ మా ప్రోమోను విడుదల చేసింది. అందులో బిగ్‌బాస్‌పై పునర్నవి తీవ్ర ఆగ్రహం వ్యక్తం చేసింది. ”మీ గేమ్ మీరే ఆడుకోండి” అని కోపంతో విరుచుకుపడింది. అంతకుముందు బిగ్ బాస్ హౌస్‌లోని గార్డెన్ ఏరియాలో పునర్నవి కూర్చుంది. వెనక నుంచి బాబా భాస్కర్, శిల్ప, వితిక, హిమజ వచ్చి ఆమెను అమాంతం ఎత్తుకెళ్లి స్విమ్మింగ్ పూల్‌లో పడేస్తారు. అనంతరం పూల్ నుంచి బయటకు వచ్చిన పునర్నవి.. హౌజ్‌మేట్స్‌పై తీవ్ర ఆగ్రహం వ్యక్తం చేసింది. నన్ను అలా బలవంతంగా తోసుకుంటూ పోయి స్విమ్మింగ్ పూల్‌లో వేస్తారా.. నాకు ఎక్కడెక్కడా టచ్ అయ్యాయో తెలుసా? టాస్క్ అని ఓపిక, సహనంతో ఉన్నాను. టాస్క్ పూర్తయిన తర్వాత బిగ్‌బాస్‌తో మాట్లాడుతాను అంటూ పునర్నవి మండిపడింది. దీంతో ఈ రోజు ఎపిసోడ్‌ ఎలా జరుగుతుందో అనే చర్చ మొదలైయ్యింది.