ఆ రికార్డు మనవాళ్ళదే.. వేరెవ్వరికి సాధ్యం కాదేమో..?

టీమిండియా ఓపెనర్స్ మరో అరుదైన రికార్డు సొంతం చేసుకున్నారు. ఈ రికార్డును వేరెవ్వరూ అధిగమించలేరనే చెప్పాలి. ఎందుకంటే టీ20, వన్డేలు, టెస్టులు ఈ మూడు ఫార్మాట్లో సిక్స్ తో సెంచరీలు సాధించిన ఘనత వీరిదే. ప్రపంచం మొత్తం మీద ఏ ఒక్క ప్లేయర్ కూడా ఇప్పటివరకు ఈ ఫీట్ ను సాధించలేదు. ఇక ఆ ప్లేయర్స్ ఎవరూ అనే విషయానికి వస్తే.. హిట్ మాన్ రోహిత్ శర్మ, మరో ఓపెనర్ కేఎల్ రాహుల్. వీరిద్దరూ ప్రపంచంలో ఏ ప్లేయర్ సాధించని ఫీట్ సాధించారు. అసలు సెంచరీ కొట్టడమే కష్టం అనుకుంటే ఆ సెంచరీ సిక్స్ తో కొట్టడం అంటే మామోలు విషయం కాదనే చెప్పాలి. అది టెస్టుల్లో కొట్టడం కూడా ఒక రికార్డే.