సాహో రిలీజ్ కు ముందే మొత్తం లీక్..!

ఎప్పుడెప్పుడా అని ఎదురుచూస్తున్న సాహో చిత్రం మరికొన్ని గంటల్లో ప్రేక్షకుల ముందుకు రానుంది. ఈ చిత్రానికి సంబంధించి ఆగష్టు 18న హైదరాబాద్ లోని రామోజీ ఫిల్మ్ సిటీ వేదికగా అంగరంగ వైభవంగా ప్రీ రిలీజ్ ఈవెంట్ నిర్వహించారు. ప్రభాస్, శ్రద్ధా కపూర్ జంటగా నటిస్తున్న ఈ చిత్రానికి యంగ్ డైరెక్టర్ సుజీత్ దర్శకత్వం వహించారు. ఈ చిత్రం భారీ బడ్జెట్ తో తెరకెక్కించడంతో అభిమానులు భారీగా అంచనాలు పెట్టుకున్నారు. అయితే తాజాగా అందిన సమాచారం ప్రకారం సాహో సినిమా కధ ఇదేనంటూ ఒకటి ఇప్పుడు సోషల్ మీడియాలో వైరల్ అవుతుంది.

ఇక కధ విషయానికి వస్తే  స్టొరీ మొత్తం భారీ మొత్తంలోని డబ్బు దొంగతనంపై నడుస్తుంది. ఇది ఎవరు చేసారు అనేది తెలియదు. ఈ కేసుని హేండిల్ చెయ్యడానికి ప్రభాస్ (అశోక్ చక్రవత్తిగా ) వస్తాడు. ఇక ఇందులో అసలు ట్విస్ట్ ఏమిటంటే  ఆ డబ్బు చోరి చేసింది కూడా ప్రభాస్ నే. అయితే ఒక పోలీస్ డబ్బు దొంగతనం ఎందుకు చేస్తాడు అనేది ఫ్లాష్‌బ్యాక్‌లో ఉంటుంది. ఇక మొదట్లో హీరోయిన్ ప్రభాస్ ని దూరం పెట్టినా చివరికి అర్దంచేసుకొని ప్రేమిస్తుంది. ప్రభాస్ తండ్రి ఒక సైంటిస్ట్..అతడు ఒక జెట్ ప్యాక్ ను సృష్టిస్తాడు. దీనికి సంబంధించిన కొన్ని రహస్యాలు ఒక బ్లాక్ బాక్స్‌లో ఉంటాయి. దీనికీ..దొంగతనానికి సంబంధం ఏమిటి అనేదే ఈ స్టొరీ అని అంటున్నారు. మరో ముఖ్యమైన విషయం ఏమిటంటే ఇందులో ప్రభాస్ డబల్ రోల్ లో కనిపిస్తాడట. ఈ స్టొరీ ప్రస్తుతం సోషల్ మీడియాలో వైరల్ అవుతుంది. మరి ఇది ఎంతవరకు నిజం అనేది రేపటివరకు వేచి ఉండాల్సిందే.