వరికోల్ గ్రామ ప్రజానీకానికి ఎమ్మెల్సీ పోచంపల్లి పిలుపు

త్వరలో రానున్న వినాయక చవితి పండుగను పురస్కరించుకుని మట్టి ప్రతిమలను వాడాలని వరికోల్ గ్రామ ప్రజానీకానికి ఎమ్మెల్సీ పోచంపల్లి శ్రీనివాస్ రెడ్డి గారు పిలుపునిచ్చారు. మట్టి ప్రతిమల వినియోగంతో పర్యావరణానికి మేలు జరుగుతుందని, పర్యావరణ పరిరక్షణ మనందరి బాధ్యత అని అన్నారు.

అందరూ కలిసి సమిష్టిగా గ్రామంలో ఒకే వినాయకుడిని ప్రతిష్టించుకొని పూజించాలని కోరారు. దీని ద్వారా వరికోల్ ప్రజల ఐక్యతను చాటిచెప్పాలని అన్నారు.

రసాయన రంగులు వాడి తయారుచేసే గణేషుల ప్రతిమలతో పర్యావరణ సమతుల్యత దెబ్బతింటుందని గుర్తు చేశారు. పండుగల పేరిట పర్యావరణానికి ముప్పు కలిగించే కార్యక్రమాలు చేపట్టవద్దని మన గ్రామ అభివృద్ధి ప్రదాత శ్రీ పోచంపల్లి శ్రీనివాస్ రెడ్డి గారు కోరారు…