సోషల్‌మీడియాను ఊపేస్తున్న కేటీఆర్‌ అరుదైన ఫోటో…!

రాజకీయాలతో పాటు, సోషల్ మీడియాలో బిజీగా ఉండే అతి కొద్ది మంది నేతల్లో టీఆర్ఎస్ వర్కింగ్ ప్రెసిడెంట్ కేటీఆర్ ఒకరు.  ట్విట్టర్‌లో యాక్టివ్‌గా ఉంటూ…తమకు ఫలానా ఆపద ఉంది..కాపాడండి అనే వారి ట్వీట్లకు వెంటనే రియాక్ట్ అయి…ఆపన్నులకు సాయం చేసే ఏకైక నేత..కేటీఆర్. అయితే అప్పుడప్పుడు తన ప్రైవేట్ లైఫ్‌కు సంబంధించిన ఆసక్తికర అంశాలను, ఫోటోలను సోషల్ మీడియాలో షేర్ చేస్తుంటారు కేటీఆర్. తాజాగా కేటీఆర్ షేర్ చేసిన ఓ ఫోటో సోషల్ మీడియాను ఊపేస్తుంది. వివరాల్లోకి వెళితే..మామూలుగా కేటీఆర్ ఎప్పుడూ గడ్డం, మీసాలు లేకుండా నీట్ షేవ్‌తో ఉంటారు. అయితే తాజాగా కేటీఆర్ 1999లో తాను తీసుకున్న ఓ ఫోటోను ట్విట్టర్‌లో పోస్ట్ చేశారు. 99 లో యువత అనుసరించే స్టైల్‌లో జీన్స్ ప్యాంట్, టీషర్ట్‌తో పాటు, హ్యాండ్స్ సగానికి పైన మడిచేయడం..చక్కనైన మీసకట్టు, నిండైన హెయిర్‌స్టైల్‌లో యంగ్ హీరోలా ఉన్నారు. నిజంగా చెప్పాలంటే..ప్రేమికులరోజు హీరో కునాల్‌ను తలపిస్తున్నారు. అయితే ఇక్కడ ఇంట్రెస్టింగ్ మ్యాటర్ ఏంటంటే.. ఈ ఫోటోను 1999 ఫిబ్రవరి 14 న అంటే ప్రేమికుల దినోత్సవం నాడు తీసుకోవటం విశేషం. ఒక్క బల్ల మీద కేటీఆర్ యాక్టివిగ్‌గా కూర్చుంటే..కేటీఆర్ పక్కన మరో యువకుడు. ఆ ఫోటోలో తన పక్కన ఉన్నది మహేశ్ ఓదెల అని కేటీఆర్ ట్వీట్‌లో వివరించారు. యంగ్‌గా ఉన్న కేటీఆర్ ఫోటో సోషల్ మీడియాలో వైరల్‌గా మారింది. నెట్‌జన్లు పెద్ద ఎత్తున ఈ ఫోటోకు లైకులు, షేర్లు కొడుతున్నారు. అన్నా..మీరు కొన్ని సినిమాలు చేస్తే బాగుండేది అంటూ కొందరు కామెంట్లు పెడుతున్నారు. కేటీఆర్ ఫోటో స్ఫూర్తితో కొందరు నెట్‌జన్లు తమ పాత ఫోటోలను షేర్ చేసుకుని మురిసిపోతున్నారు. మొత్తానికి 20 ఏళ్ల క్రితం నాటి కేటీఆర్ ఫోటో ఇప్పుడు సోషల్‌ మీడియాకు ఊపేస్తుంది.