టాప్ డైరెక్టర్ కు సలహాలు ఇవ్వనున్న జబర్దస్త్ కమీడియన్..!

స్టైలిష్ స్టార్ అల్లుఅర్జున్ హీరోగా తెరకెక్కిస్తున్న చిత్రం అల వైకుంఠపురంలో. ఈ చిత్రాన్ని మాటల మాంత్రికుడు త్రివిక్రమ్ దర్శకత్వం వహిస్తున్నాడు. ఇప్పటికే వీరిద్దరి కాంబినేషన్ లో రెండు చిత్రాలు రాగా రెండూ కూడా సూపర్ హిట్ అయ్యాయి. అదే జోష్ తో ఇప్పుడు ఈ సినిమా తీయనున్నాడు త్రివిక్రమ్. ఈ చిత్రానికి సంబంధించి ఇప్పటికే చిన్న వీడియోను కూడా రిలీజ్ చేసాడు డైరెక్టర్. ఇందులో మహర్షి ఫేమ్ పూజా హెగ్డే ముఖ్య పాత్ర పోషించనుంది. ఇక అసలు విషయానికి వస్తే ఈ చిత్రంలో అల్లుఅర్జున్ కి సహాయం చేయడానికి జబర్దస్త్ ఆర్టిస్ట్ హైపర్ ఆది ముందుకు వచ్చాడు. అంటే ఈ సినిమాలో కొన్ని పంచ్ డైలాగ్స్ కోసం డైరెక్టర్ అతడిని సినిమాలో తీసుకోనున్నాడు. జబర్దస్త్ షో లో ఆది పంచ్ డైలాగ్స్ ఎలా ఉంటాయో అందరికి తెలిసిందే. అందుకే డైరెక్టర్ ఈ నిర్ణయం తీసుకున్నట్టు తెలుస్తుంది.