పార్టీని అడ్డంపెట్టుకొని స్థలాన్ని కబ్జా..దేవుడి పేరుతో గుడి..మహిళలు, బాలికలపై..టీడీపీ నేత దారుణాలు

ఏపీలో టీడీపీ నేతల ఆగాడాలు ఒక్కోక్కటిగా బయటపడుతున్నాయి. ఒక పక్కా కోడెలా అవీనీతి బట్టబయలు అవుతుంటే..మరో పక్క తెలుగు తమ్ముళ్ల బండారం తెలుస్తుంటే నాయకులకు ఏం జరుగుతుందో..ఏం జరిగిందో అర్థం కావడంలేదంట. తాజాగా ‘అతను స్వామిజీ కాదు.. పంతులూ కాదు.. టీడీపీ నాయకుడు… పార్టీని అడ్డంపెట్టుకొని ఇక్కడ కార్పొరేషన్‌ స్థలాన్ని కబ్జా చేసేశాడు. దేవుడి పేరుతో గుడిని కట్టి… స్వామీజీగా అవతారం ఎత్తి అక్కడికి వచ్చే మహిళలు, బాలికలపై వికృతచేష్టలకు పాల్పడుతుంటాడు.. అతడికి ఓ మాజీ ప్రజాప్రతినిధి అండదండలు పుష్కలంగా ఉండడంతో ఆయన ఆగడాలకు హద్దు అదుపు లేకుండా పోయాయి’అంటూ దొంగ స్వామిజీ కుప్పం బాలాజీ గురించి అనేక ఆసక్తికర విషయాలను అక్కడి ప్రజలు వెలుగులోకి తీసుకువస్తున్నారు.

టీడీపీ నాయకుడు కుప్పం బాలాజీ, పార్టీ నాయకుల అండదండలతో ప్రకాష్‌నగర్‌లోని కార్పొరేషన్‌ స్థలాన్ని కబ్జా చేసి అక్కడ చిన్న గుడిని నిర్మించాడు. ఆ గుడి ఆవరణలో మూడు గదులను నిర్మించుకొని పగలు కాసేపు స్వామిజీ వేషధారణలో ఉండడం గుడికి వచ్చే మహిళలతో అసభ్యకరంగా ప్రవర్తించడం చేస్తుంటాడని, కాస్త బలహీనతతో ఉన్న మహిళలు గదిలోకి వస్తే ప్రత్యేక పూజలు చేస్తా, అమ్మవారి బొట్టు పెడతా, తాయిత్తులు కడతానంటూ లోపలికి తీసుకువెళ్లి వారిని తాకరాని చోట్ల తాకడం, బలహీనపడిన వారితో అసభ్యకరంగా ప్రవర్తించడం చేస్తుంటాడని స్థానిక ప్రజలు చెబుతున్నారు. బాలికపై అసభ్యకరంగా ప్రవర్తించినట్లు తమకు ఎటువంటి ఫిర్యాదులు రాలేదని, బాధితులు ఎవరైనా ఉంటే ధైర్యంగా వచ్చి పోలీసులకు చెప్పవచ్చని, బాధితుల వివరాలు బయటకు రాకుండా గోప్యంగా ఉంచుతామని పోలీసులు తెలిపారు. ఫిర్యాదు అందితే అతనిపై చట్టరీత్యా చర్యలు తీసుకుంటామని తెలిపారు.