త్రిపాత్రాభినయం, కామెడీ, భారీ డైలాగులతో మరోసారి ప్రేక్షకుల హృదయ కాలేయాలను దోచుకుంటాడా.?

బర్నింగ్ స్టార్ సంపూర్ణేష్ బాబు కామెడీ చూసి చాలా కాలం అవుతోంది. కాస్త గ్యాప్ తర్వాత కొబ్బరిమట్ట సినిమాతో సంపూ వెండితెరపైకి వస్తున్నారు. సంపూకోసం అంతా ఎదురుచూస్తున్నారు. అయితే ఆ సినిమా రిలీజ్ డేట్ గత ఏడాదినుంచి వాయిదా పడుతోంది. గతంలో ఓసారి దాదాపుగా సినిమా రిలీజ్ ఆగిపోయినట్లేననే రూమర్స్ వచ్చాయి. కానీ ఫైనల్ గా కొబ్బరిమట్ట రిలీజ్ కు సిద్ధమైంది. హృదయకాలేయం దర్శకుడు రాజేష్ నిర్మించిన ఈ సినిమాకు రూపక్ రొనాల్డ్సన్ దర్శకత్వం వహించారు. ఇటీవల తన పుట్టినరోజును జరుపుకున్న సంపూ సినిమా రిలీజ్ పై క్లారికి ఇచ్చారు. ఆగష్ట్ 10న సినిమా రిలీజ్ చేయాలని డిసైడ్ అయినట్లు సమాచారం. అయితే సంపూ ఇంతవరకు ఒక్క హృదయ కాలేయం సినిమాతోనే హిట్టందుకున్నాడు. ఆ తర్వాత చేసిన సినిమాలు అనుకున్నంత రేంజ్ లో క్లిక్కవ్వలేదు. అయినా సంపూ క్రేజ్ తగ్గలేదు. కరెక్ట్ సినిమా తగిలితే హిట్టు కొట్టగలనని ఈ కామెడీ హీరో ధీమాతో ఉన్నాడు. మరి కొబ్బరిమట్ట సినిమాలో చేసిన కామెడీ, త్రిపాత్రాభినయంతో పాటు మూడు నిమిషాలకు పైగా చెప్పిన డైలాగ్ కొత్త రికార్డులు సృష్టిస్తోంది.