దేశంలో లో తెలంగాణ రైఫిల్ అసోసియేషన్ నెంబర్ వన్

సచివాలయంలో రాష్ట్ర ఎక్సైజ్ అండ్ ప్రొహిబిషన్, క్రీడా పర్యాటక మరియు సాంస్కృతిక శాఖ మంత్రి వి శ్రీనివాస్ గౌడ్ తో తెలంగాణ రైఫిల్ అసోసియేషన్ ప్రతినిధులు సమావేశమయ్యారు. తెలంగాణ రైఫిల్ అసోసియేషన్ ఆధ్వర్యంలో ఆరవ తెలంగాణ స్టేట్ షూటింగ్ చాంపియన్షిప్ కాంపిటీషన్ లో విజేతలైన క్రీడాకారులకు ఆగస్టు 10న ప్రైజ్ డిస్ట్రిబ్యూషన్ కార్యక్రమంలో ముఖ్యఅతిథిగా పాల్గొనాలని అసోసియేషన్ ప్రెసిడెంట్ అమిత్ సంఘీ సారథ్యంలో అసోసియేషన్ జనరల్ బాడీ సభ్యులు కిరణ్, వికార్ హైమద్, నూరియా లు మంత్రి శ్రీనివాస్ గౌడ్ ను కోరారు.  అనంతరం తెలంగాణ రైఫిల్ అసోసియేషన్ ద్వారా చేపడుతున్న షూటింగ్ క్రీడాభివృద్ధి కోసం చేపడుతున్న కార్యక్రమాల గురించి మంత్రి శ్రీనివాస్ గౌడ్ కు వివరించారు . దేశంలో లో తెలంగాణ రైఫిల్ అసోసియేషన్ ప్రస్తుతం నెంబర్ వన్ స్థానంలో ఉందని అంతర్జాతీయ స్థాయి ప్రమాణాలతో షూటింగ్ రేంజ్ ని తీర్చిదిద్దుతున్నామని అందుకు అవసరమైన మౌలిక సదుపాయాలను, షూటింగ్ రేంజ్ ను పెంచాలని మంత్రి ని కోరారు. ప్రతిపాదిత పెంచిన షూటింగ్ రేంజ్ ను తెలంగాణ రైఫిల్ అసోసియేషన్ తోపాటు సంయుక్తంగా నిర్వహణను చేపట్టాలని మంత్రిని కోరారు. తెలంగాణ రైఫిల్ అసోసియేషన్ లో రైఫిల్ కోచ్ లను నియమించాలని కోరారు. ప్రభుత్వం పూర్తి సహకారంతో అభివృద్ధి చేయాలని అసోసియేషన్ ప్రతినిధులు మంత్రికి వినతి పత్రం అందించారు. ఈ సందర్భంగా గా జర్మనీలోని షుల్ పట్టణంలో జరిగిన ప్రపంచ జూనియర్ షూటింగ్స్ చాంపియన్షిప్ లో సిల్వర్ మెడల్ సాధించిన హైదరాబాద్ కు చెందిన ఈషా సింగ్ ను రాష్ట్ర ఆబ్కారి, క్రీడా, పర్యాటక మరియు సాంస్కృతిక శాఖ మంత్రి వి శ్రీనివాస్ గౌడ్ అభినందించారు.

అదే విధంగా ప్రస్తుతం థాయిలాండ్ లో జరుగుతున్న థాయిలాండ్ జాతీయ ఓపెన్ బాక్సింగ్ చాంపియన్షిప్లో సెమి ఫైనల్స్ లో ప్రవేశించినా తెలంగాణ రాష్ట్రానికి చెందిన నిక్కత్ జరీన్ కు శుభాకాంక్షలు తెలిపారు మంత్రి శ్రీనివాస్ గౌడ్.
తెలంగాణ రాష్ట్రానికి చెందిన ఇద్దరు క్రీడాకారిణిలు టోక్యోలో జరిగే 2020 ఒలింపిక్స్ క్వాలిఫైయింగ్ అయ్యే అవకాశాలు ఉన్నాయని, ఈ సందర్భంగా క్రీడాకారిణిలను మంత్రి శ్రీనివాస్ గౌడ్ అభినందించారు. ఈ కార్యక్రమంలో రాష్ట్ర క్రీడా ప్రాధికార సంస్థ చైర్మన్ అల్లిపురం వెంకటేశ్వర్ రెడ్డి పాల్గొన్నారు.