అసెంబ్లీలో జగన్ ప్రవేశపెట్టే బడ్జెట్ పై కొందరికి ఆశ్చర్యం, కొందరికి ఆనందం మరికొందరికి షాక్

11 నుంచి ఎపి బడ్జెట్‌ సమావేశాలు ప్రారంభం కానున్నాయి.. ఆర్థికమంత్రి బుగ్గన రాజేంద్రనాథ్‌ రెడ్డి 12న ఉదయం 11 గంటలకు సభలో వైసీపీ ప్రభుత్వంలో తొలి బడ్జెట్‌ను ప్రవేశపెట్టనున్నారు. అదేరోజు వ్యవసాయశాఖ మంత్రి కురసాల కన్నబాబు వ్యవసాయ బడ్జెట్‌ను కూడా సభ ముందుకు తేనున్నారు. మంగ‌ళ‌వారం అన్ని శాఖల అధికారులతో అసెంబ్లీ స్పీకర్‌ తమ్మినేని సీతారం భేటీ కానున్నారు. సమావేశాలకు కావాల్సిన అన్ని ఏర్పాట్లును చేయాలని వారికి సూచించనున్నారు. అయితే జగన్ బడ్జెట్ ఎలా ఉంటుందన్నది అందరికీ ఆసక్తికరంగా ఉంది. ఇక బడ్జెట్లో జగన్ ఏ రికార్డులు క్రియేట్ చేస్తారోనని అంతా ఎదురుచూస్తున్నారు. జగన్ మాటలు, సంక్షేమానికిచ్చే ప్రాధాన్యతను బట్టి నవ రత్నాలకు బడ్జెట్లో పెద్దపీట వేయడం ఖాయంగా కనిపిస్తోంది. ఇక అభివృధ్ధి పనులకు కేటాయింపులు ఉండే అవకాశం ఉంది. అలాగే పోలవరం, రాజధాని అమరావతి ప్రయారిటీలు కూడా బడ్జెట్లో ఉండాల్సిన అవసరం ఉంది. ఈ నేపధ్యంలో వైసీపీ మరో వాదన కూడా వినిపిస్తోంది. బడ్జెట్ కి సంబంధించి గత ప్రభుత్వం ఇచ్చినట్టుగా వేల, లక్షల కోట్లు లెక్కల్లో చూపించి, ఆ పనులు చేయకుండా, లేదా ఆ నిధులను వేరే అవసరాలకు మళ్లించకుండా రాష్ట్ర ఆర్ధిక పరిస్థితి దృష్టిలో పెట్టుకుని తక్కువ బడ్జెట్ నే పెట్టాలని జగన్ సూచించారట. ఆ పనులు సక్రమంగా జరిగి పాలన అభివృద్ధి మెరుగుపడి, ప్రజా జీవితాలు బాగుపడాలే తప్ప అంకెలను కాగితాలపై చూపించేలా లక్షల కోట్లు బడ్జెట్ పెట్టినా తక్కువే అనే ఉద్దేశంతో వైసీపీ బడ్జెట్ ఉండనుందని తెలుస్తోంది.