రేవంత్‌తో వివేక్ భేటీ…కాంగ్రెస్‌లోకి వెళ్తారా?

తెలుగు రాజ‌కీయాల్లో మ‌రో కీల‌క ప‌రిణామం. ఇటీవలి కాలంలో అధికార టీఆర్ఎస్‌ పార్టీపై ఉద్దేశ‌పూర్వ‌కంగా బుర‌ద‌జ‌ల్లుతున్న ఇద్ద‌రు నేత‌లు స‌మావేశం అయ్యారు. టీఆర్ఎస్ పార్టీకి చెందిన మాజీ నేత జి.వివేక్‌తో కాంగ్రెస్ పార్టీకి చెందిన ఎంపీ రేవంత్ రెడ్డి స‌మావేశం అయ్యారు. ఈ భేటీ చ‌ర్చ‌నీయాంశంగా మారింది.

హైద‌రాబాద్‌లో వివేక్‌కు చెందిన మీడియా కార్యాల‌యంలో రేవంత్ రెడ్డి, వివేక్ స‌మావేశం జ‌రిగినట్లు  తెలుస్తోంది. ఈ ఇద్ద‌రు నేత‌ల మ‌ధ్య దాదాపు గంట పాటు చ‌ర్చ జ‌రిగిన‌ట్లు స‌మాచారం. ఏ అంశంపై చ‌ర్చించార‌నే అంశంపై స్ప‌ష్ట‌త రాన‌ప్ప‌టికీ…ప్ర‌భుత్వంపై మండిప‌డే ఇద్ద‌రు నేత‌లు ఇలా స‌మమావేశం అవ‌డం ఆస‌క్తిక‌రంగా మారింది. ప్ర‌భుత్వంపై త‌ను చేసే విమ‌ర్శ‌ల‌కు మీ మీడియాలో ప్రాధాన్యం ఇవ్వాల‌ని కోరేందుకే..రేవంత్ మాజీ ఎంపీ వివేక్‌తో స‌మావేశం అయి ఉంటార‌ని ప‌లువురు వ్యాఖ్యానిస్తున్నారు.