ఎంతైనా యంగ్ సీఎం కదా అంటున్న అధికారులు.. ప్రతీరోజూ రిపోర్ట్ కావాలని కోరిన ముఖ్యమంత్రి

నూతన ప్రభుత్వంలో విప్లవాత్మక నిర్ణయాలు తీసుకుంటున్నారు. సీఎం జగన్ ఆదేశాలమేరకు ఎక్సైజ్ శాఖ ప్రక్షాళనకు కమిషనర్ మీనా కార్యాచరణ సిద్దం చేస్తున్నారు. సీఎం జగన్ సూచనలకు అనుగుణంగా ఎక్సైజ్ శాఖ యాక్షన్ ప్లాన్ సిద్దం చేసింది. ఎక్సైజ్ శాఖ అధికారులు.. సిబ్బందితో భేటీ అయిన రెవిన్యూ శాఖ స్పెషల్ చీఫ్ సెక్రటరీ సాంబశివరావు, కమిషనర్ ఎంకే మీనా బెల్ట్ షాపుల నియంత్రణ చర్యలు చేపట్టాలని ఎక్సైజ్ అధికారులకు, సిబ్బందికి ఆదేశాలు జారీచేసారు. రేపటినుంచే బెల్ట్ షాపుల నియంత్రణ కార్యాచరణ మొదలు పెట్టాలని సిబ్బందికి సాంబశివరావు, ఎంకే మీనా ఆదేశాలిచ్చారు.

అలాగే బెల్ట్ షాపుల నియంత్రణ చర్యలపై ప్రతిరోజూ స్టేషన్ల వారీ నివేదికలు ఇవ్వాలని ఆదేశించారు. ముఖ్యంగా గ్రామానికో కానిస్టేబుల్చ, మండలానికో ఎక్సైజ్ ఎస్ఐలను బాధ్యులుగా చేస్తామని ఉన్నతాధికారులు వెల్లడించారు. బెల్ట్ షాపుల నియంత్రణలో చక్కటి పనితీరు కనబర్చిన సిబ్బందికి రివార్డులుంటాయని కూడా ఉన్నతాధికారుల స్పష్టం చేసారు. అలాగే గంజాయి రవాణను అరికట్టే విషయంలోనూ ఫోకస్ పెట్టాలని ఎక్సైజ్ సిబ్బందికి సాంబశివరావు, ఎంకే మీనా ఆదేశం. జగన్ ఆదేశాలతో పటిష్టమైన యాక్షన్ ప్లాన్ కు అధికారులు రంగం సిద్ధం చేసారు.