హరీష్ బర్త్ డే…కేటీఆర్ ఏమని ట్వీట్ చేశారంటే..?

సోమవారం ( జూన్ 3 ) మాజీ మంత్రి,సిద్దిపేట ఎమ్మెల్యే హరీశ్ రావు పుట్టిన రోజు. ఈ సందర్భంగా ఇవాళ అయన అభిమానులు, పార్టీ కార్యకర్తలు జన్మదిన వేడుకలను ఘనంగా జరుపుకున్నారు. మరోవైపు హరీష్ రావు కు సోషల్ మీడియాలో శుభాకాంక్షలు వెల్లువెత్తాయి. టీఆర్ఎస్ పార్టీ వర్కింగ్ ప్రెసిడెంట్ కేటీఆర్ హరీష్ రావుకు పుట్టినరోజు శుభాకాంక్షలు తెలిపారు. ఈ సందర్భంగా ‘సిద్దిపేట ఎమ్మెల్యే, డైనమిక్‌ లీడర్‌ హరీష్‌రావు గారికి నా హృదయపూర్వక జన్మదిన శుభాకాంక్షలు’  ట్విట్టర్‌లో పేర్కొన్నారు. కాగా తన పుట్టినరోజు వేడుకలను దూరంగా ఉంటున్నట్లు హరీష్ తెలిపిన సంగతి తెలిసిందే.