మొదట ఈ ఫొటో చూసి స్టన్ అయిన ఆమె అభిమానులు తర్వాత ఏం చేస్తున్నారో తెలుసా.?

సినీ పరిశ్రమ అంటేనే గ్లామర్ ఫీల్డ్.. సినిమాల్లో ఉండేవారు ఎప్పుడూ ముఖానికి మేకప్ వేసుకుని ఉండాల్సిందే. వారి ప్రొఫెషన్ అలాంటిది.. పైగా మేకప్‌తో ఉంటేనే వారి ముఖం మరింత అందంగా కనిపిస్తుంది. వారు అంత అందగా కనిపించడం వల్లే వారిని అభిమానులు అంత అమితంగా ఇష్టపడతారు. అందుకే సెలెబ్రిటీలు బయటికి వచ్చినప్పుడు కూడా కచ్చితంగా మేకప్ వేసుకొని వస్తుంటారు. మేకప్ లేకుండా బయటకు రారు.. కెమెరాకు అస్సలు చిక్కరు.. అయితే ప్రముఖనటి, టాలీవుడ్ చందమామ కాజల్ అగర్వాల్ తన మేకప్ లేని ముఖాన్ని అందిరికీ చూపించింది.

మేకప్ లేకుండా తీసిన ఫోటోలను సోషల్ మీడియాలో షేర్ చేసింది. అలాగే ఆఫొటోలకు మెసేజ్ పెట్టి స్ఫూర్తిని నింపుతోంది. “ఎవ్వరైనా తమలోని తామును చూసుకోలేరు.. ఎందుకంటే బయటి అందానికే ప్రపంచం ఆస్వాదిస్తుంటుంది.. లేకపోతే సోషల్ మీడియా కూడా మనం అందంగా తయారుకావాలని సూచిస్తుంటుంది.. ఒకరోజు మనం అందంగా కనిపించేందుకు ఎన్నో వేల రూపాలయలను వినియోగిస్తుంటాం. ఎక్కడైనా శరీరాకర్షణనే చూస్తారు. మనచుట్టూ జనాలు ఉండాలని మనం అనుకుంటుంటాం. వారు వదిలి వెళ్తే బాధపడతాం.. కానీ నిజమైన సంతోషం నిన్ను నువ్వు స్వీకరించినప్పుడు మాత్రమే కలుగుతుంది. మేకప్ మన బయటి అందాన్ని మాత్రమే చూపిస్తుంది. కానీ మన వ్యక్తిత్వాన్ని మార్చదు కదా.? నిజమైన అందమంటే మనల్ని మనం ఇష్టపడటమే” అంటూ కాజల్ అగర్వాల్ ఎంతో అందంగా వ్యాఖ్యానించింది. అయితే మొదట కాజల్ ని చూసి స్టన్ అయిన ఆమె అభిమానులు ఈ మెసేజ్ చదివి ప్రశంసలు కురిపిస్తున్నారు.