“ప్రకాశం”జిల్లా నుండి వీళ్ళే మంత్రులు..?

ఇటీవల విడుదలైన ఏపీ సార్వత్రిక ఎన్నికల్లో ప్రధాన ప్రతిపక్ష పార్టీ వైసీపీ దేశ రాజకీయాలను తనవైపు తిప్పుకుంటూ ప్రభంజనం సృష్టిస్తూ ఏకంగా నూట యాబై ఒక్క అసెంబ్లీ స్థానాలను దక్కించుకుంది. వైసీపీ ధాటికి
మాజీ ముఖ్యమంత్రి,టీడీపీ అధినేత నారా చంద్రబాబు నాయుడు తనయుడు, టీడీపీ జాతీయ ప్రధాన కార్యదర్శి అయిన మంత్రి నారా లోకేశ్ నాయుడుతో సహా పలువురు మంత్రులు,సీనియర్ నేతలు ఓటమి
పాలయ్యారు.

ఈక్రమంలో రేపు అనగా ఈ నెల ముప్పై తారీఖున వైసీపీ అధినేత వైఎస్ జగన్మోహాన్ రెడ్డి నవ్యాంధ్ర రాష్ట్ర రెండో ముఖ్యమంత్రిగా ప్రమాణ స్వీకారం చేయనున్నారు. జగన్ ప్రమాణ స్వీకారమహోత్సవానికి
అధికారులు పలు ఏర్పాట్లను చేస్తోన్నారు. రేపు గురువారం జగన్ తో పాటు తొమ్మిది లేదా పదకొండు మంది మంత్రులుగా ప్రమాణ స్వీకారం చేసే అవకాశమున్నట్లు సమాచారం.

అందులో భాగంగా ప్రకాశం జిల్లా నుండి ఇద్దరికి క్యాబినెట్లో అవకాశమున్నట్లు సమాచారం. ప్రధానంగా యర్రగొండపాలెం నుంచి విజయం సాధించిన ఆదిమూల సురేష్, ఒంగోలు నుండి గెలుపొందిన సీనియర్ నేత బాలినేనిశ్రీనివాస్ రెడ్డి లకు మంత్రులుగా బెర్త్ ఖరారైనట్లు వైసీపీ శ్రేణులు చెబుతున్నారు. చూడాలి మరి రేపు జరగబోయేముఖ్యమంత్రి ప్రమాణ స్వీకారమహోత్సవంలో ఎవరు మంత్రులుగా ప్రమాణ స్వీకారం చేయనున్నారో..?