ప్రపంచవ్యాప్తంగా వైఎస్సార్‌సీపీ విజయోత్సవ సంబరాలు..!

ఏపీ ఎన్నికల ఫలితాల్లో వైసీపీ రికార్డు సృష్టించింది.అధికార టీడీపీ పార్టీని మట్టికరిపించింది.టీడీపీ అధ్యక్షుడు ఏపీ మాజీ ముఖ్యమంత్రి చంద్రబాబుకు దిమ్మతిరిగే షాక్ ఇచ్చిందని చెప్పాలి.ఎందుకంటే మరెక్కడా లేని విధంగా రికార్డు స్థాయిలో మొత్తం 175 అసెంబ్లీ స్థానాలలో ఏకంగా 151సీట్లలో ఘనవిజయం సాధించింది.అంతేకాకుండా కాకుండా 22 ఎంపీ సీట్లు గెలుచుకుంది,దీంతో ఇండియాలోనే వైసీపీ విన్నింగ్ మెజారిటీలో మూడో స్థానంలో ఉంది.ఇక వైసీపీ అభిమానులకు అవధులు లేకుండా పోయాయి.ఎక్కడ చూసిన ఆ పార్టీ అభిమానులు విజయానందంలో మునిగి తేలుతున్నారు.ఒక్క ఆంధ్రలోనే కాదు తెలంగాణ రాష్ట్రంలో కూడా జగన్ గెలిచిన సందర్భంగా సంబరాలు జరుపుకున్నారు.

ఒక్క తెలుగు రాష్ట్రాలలోనే కాదు ప్రపంచవ్యాప్తంగా ఈ విజయాన్ని పంచుకుంటున్నారు.సౌత్‌ ఆఫ్రికాలోని జోహెనస్‌బర్గ్‌లో ఆదివారం వైఎస్సార్‌సీపీ నాయకులు, అభిమానులు ఉదయం 10గంటలకు కారు ర్యాలీని నిర్వహించి సంబురాలు జరుపుకున్నారు.ఇక్కడ దక్షిణ్‌ ఇండియన్‌ రెస్టారెంట్‌లో ఈ విజయోత్సవ వేడుకలు జరుపుకోగా భారీ సంఖ్యలో అభిమానులు వచ్చారు.ఈ సందర్భంగా కేక్ కట్ చేసి జై వైఎస్సార్, జై జగన్‌ అంటూ నినాదాలు చేశారు.ఇందులో సౌత్‌ ఆఫ్రికా వైఎస్సార్‌సీపీ నాయకులు కల్ల నరసింహారెడ్డి, సూర్య రామిరెడ్డి, వెంకట్‌ మాగంటి, విక్రమ్‌ కుమార్‌ పెట్లూరు, మోహన్, దినేశ్, కుమార్‌ తదితరులు పాల్గొన్నారు.