నేడు తిరుమ‌ల‌కు సీఎం కేసీఆర్‌

తెలంగాణ ముఖ్యమంత్రి, టీఆర్ఎస్ పార్టీ అధినేత కేసీఆర్ మ‌రోమారు ఏపీలో అడుగుపెట్ట‌నున్నారు. ఆదివారం సీఎం కేసీఆర్‌ తిరుమల పర్యటనకు వెళ్లనున్నారు. క‌లియుగ దైవం శ్రీ‌వెంక‌టేశ్వ‌ర స్వామిని ద‌ర్శించుకోనున్నారు. ఆదివారం సీఎం కేసీఆర్‌ తిరుపతికి వెళ్లనున్నట్టు సీఎం కార్యాలయం ఓ ప్రకటనలో తెలిపింది.

గతంలో ప్రత్యేక రాష్ట్రం ఏర్పడిన సందర్భంగా వేంకటేశ్వరస్వామికి కేసీఆర్ మొక్కు చెల్లించేందుకు తిరుమల వెళ్లారు. ఆయన స్వామివారిని దర్శించుకుని బంగారు ఆభరణాలను సమర్పించారు. తాజాగా ముఖ్య‌మంత్రి కేసీఆర్ కుటుంబ స‌మేతంగా తిరుమ‌ల‌కు వెళుతున్నారు. ఈ సంద‌ర్భంగా తిరుమ‌ల వెంక‌న్న‌ను ద‌ర్శించుకొని పూజ‌లు చేయ‌నున్నారు.