ఏ మాత్రం టెన్షన్ లేకుండా మే23 వరకూ టైమ్ పాస్ చేస్తున్న జగన్

వైఎస్సార్సీపీ అధినేత వైఎస్ జగన్మోహన్ రెడ్డి హైదరాబాద్ లోని ఏషియన్ మహేశ్ బాబు ధియేటర్ లో సినిమా చూసారు. ఇటీవల విడుదలైన ఎవెంజర్స్ ది ఎండ్ సినిమాను చూసేందుకు జగన్ ఏఎంబీకి వచ్చారు. ఎల‌క్ష‌న్స్ అయిపోయాయి.. రిజ‌ల్ట్స్ వ‌చ్చేందుకు మరో 20రోజులు టైం కూడా ఉంది. ఫ‌లితాలు వ‌చ్చేవ‌ర‌కు వేచి చూడటం త‌ప్ప ఇంకేం చేయలేరు కాబట్టి నాయకులు కాస్త రిలాక్స్ అవుతుంటారు.. అందుకే ఇప్పుడు జ‌గ‌న్ కూడా ఇదే చేస్తున్నారు. మే 23 వ‌ర‌కు దొరికిన స‌మ‌యాన్ని ఎంజాయ్ చేస్తున్నారు.. రిలాక్స్ అవుతున్నారు. హాయిగా సినిమాలు షికార్లు చేస్తున్నారు.

తాజాగా జగన్ బాక్సాఫీస్ దుమ్ము దులిపేస్తున్న అవేంజ‌ర్స్ ఎండ్ గేమ్ సినిమాను చూసారు. అది కూడా మ‌హేష్ బాబు ఏఎంబి సినిమాస్‌లో. అక్క‌డే ఉన్న అభిమానులు జ‌గ‌న్ రాక‌తో సంబ‌రాలు చేసుకున్నారు. తమ అభిమాన నేత‌ను చూసి ఎంతో సంతోషప‌డ్డారు. చాలామంది జగన్ తో మాట్లాడారు.. జ‌గ‌న్ కూడా సినిమా చూసి కాస్త ఎల‌క్ష‌న్ టెన్ష‌న్ కూడా త‌గ్గించుకున్నారు. ఇంత టెన్ష‌న్‌లో కూడా సినిమా చూడడం వాస్తవానికి చిన్నవిష‌యం కాదు. కానీ జ‌గ‌న్ మాత్రం ఎలాంటి కంగారు లేకుండా హాయిగా కనిపించారు. ఫ‌లితాలు వ‌చ్చేవ‌ర‌కు టైమ్ పాస్ చేస్తున్నారు. ఈనెలలోనే లండన్ లో చదువుతున్న తన కూతుర్ని చూడటానికి వెళ్లనున్నారు జగన్.