కొత్త రూ.20 నోటు నమూనాను విడుదల చేసిన ఆర్బీఐ

దేశంలో ఇప్పటికే రూ.10, రూ.100 కొత్త నోట్లను ఆర్బీఐ విడుదల చేసిన విషయం అందరికి తెలిసిందే.త్వరలో రిజర్వ్‌ బ్యాంక్‌ ఆఫ్‌ ఇండియా కొత్త 20 రూపాయల నోటును విడుదల చేయనుంది.మహాత్మాగాంధీ సిరీస్ లో ఈ నోటు విడుదలవుతోంది.గవర్నర్ శక్తికాంతదాస్ సంతకంతో విడుదలవుతున్న ఈ నోటు నమూనా శనివారం విడుదల చేసారు.కొత్త నోట్లు వచ్చినప్పటికీ పాత రూ.20 నోట్లు చెల్లుబాటవుతాయని స్పష్టం చేసారు.

ఈ నోటు కోసం కొన్ని ఆశక్తికర విషయాలు తెలుసుకుందాం.

ఆర్బీఐ నమూనా ప్రకారం..

*ఈ నోటు ఆకుపచ్చ, పసుపు రంగుల కలయికలో ఉంటుంది.
*దీని ముందు భాగంలో గాంధీజీ బొమ్మ దానిపక్కనే దేవనాగరి లిపిలో రూ.20 అని ఉంటుంది.
*గాంధీజీ బొమ్మకు మరోవైపు అశోకుడి స్థూపం ఉంటుంది.
*ఈ నోటుకు మరో భాగంలో ఎల్లోరా గుహలు ,స్వచ్ఛభారత్ నినాదంతో పాటు లోగో ఉంటుంది.
*ఇక ఈ నోటు కొలత విషయానికి వస్తే “63 mm x 129 mm” ఉంటుంది.