Dharuvu No:1 Telugu Political web site in telugu states
సీఎం కేసీఆర్ అధ్యక్షతన తెలంగాణ మంత్రిమండలి ఇవాళ మొదటిసారిగా సమావేశమైంది. లోక్‌సభ ఎన్నికల నేపథ్యంలో రేపు అసెంబ్లీ లో ప్రవేశపెట్టనున్న ఓటాన్‌ అకౌంట్‌ బడ్జెట్‌కు ఈ భేటీలో కేబినెట్‌ ఆమోదం తెలిపింది. అలాగే 2018-19 ఆర్థిక సంవత్సరానికి సంబంధించిన బడ్జెట్‌ సప్లిమెంటరీ డిమాండ్స్‌ను కూడా ఆమోదించింది. జీఎస్టీ చట్టానికి అనుగుణంగా తీసుకొచ్చిన ఆర్డినెన్స్‌ స్థానంలో తెలంగాణ జీఎస్టీ సవరణ బిల్లుకు కేబినెట్‌ ఆమోద ముద్ర వేసింది.ప్రగతి భవన్‌లో జరిగిన కేబినెట్‌ భేటీకి మంత్రులు హాజరయ్యారు. శుక్రవారం ఉదయం అసెంబ్లీలో సీఎం కేసీఆర్, శాసనమండలిలో వైద్యారోగ్యశాఖ మంత్రి ఈటల రాజేందర్‌ బడ్జెట్‌ను ప్రవేశపెట్టనున్నారు.
