నేడు వలంటైన్స్‌ డే.. పలు ప్రాంతాల్లో ప్రేమికులు దర్శనం..!

హైదరాబాద్ మహా నగరంలోని పలు పర్యాటక ప్రాంతాలు ప్రేమికులకు కేరాఫ్‌గా అడ్రస్‌గా మారుతున్నాయి. మాదాపూర్‌లోని దుర్గం చెరువు సహా ట్యాంక్‌బండ్, నెక్లెస్‌రోడ్, ఐమాక్స్‌ థియేటర్, ఎన్టీఆర్‌ గార్డెన్, సంజీవయ్య పార్కు, కృష్ణా నగర్ కృష్ణాకాంత్ పార్క్, ఇందిరాపార్కుల్లో ఎక్కడ చూసినా ప్రేమ పక్షులే కన్పిస్తాయి. చెట్టుకొక.. పుట్టకొక జంట దర్శనమిస్తూ ఉంటుంది. నిత్యం సందర్శకులతో కిటకిటలాడే ఆయా ప్రాంతాల్లో అమ్మాయిలు తమను ఎవరూ గుర్తుపట్టకుండా ఉండేందుకు ముఖానికి మాస్క్‌లు ధరిస్తున్నారు. ఇంట్లో పెద్దలకు కాలేజీకి వెళ్తున్నట్లు చెప్పి..తర్వాత తమ బాయ్‌ఫ్రెండ్స్‌తో కలిసి లవ్‌ స్పాట్స్‌కు చేరుకుంటున్నారు. ముద్దూముచ్చట్లలో మునిగితేలుతున్నారు. నేడు వలంటైన్స్‌ డేసందర్భంగా ఆయా ప్రాంతాలుప్రేమికులతో కిక్కిరిసిపోనున్నాయి.