పత్తికొండలో ఆయనతో పాటు 500 కుటుంబాలు వైసీపీలో చేరిక..!

కర్నూల్ జిల్లాలో వైసీపీలోకి భారీగా వలసలు జరుగుతున్నాయి. అధికార టీడీపీ నుండి ప్రతి పక్షంలో చేరికలు జరుగుతుండడంతో అటు ముఖ్యమంత్రి చంద్రబాబుకు, టీడీపీ నుండి పోటి చెయ్యాలనుకునే కెయి ఫ్యామిలీకు ఏం చెయ్యాలో దిక్కు తోచడంలేదు. తాజాగా అధికార టీడీపీ నుండి వైసీపీలోకి భారీగా చేరికలు జరిగాయి. 2019 ఎన్నికలే లక్ష్యంగా దూసుకుపోతున్నపత్తికొండ వైసీపీ పార్టీ సమన్వయకర్త కంగాటి శ్రీదేవి, కర్నూల్ పార్లమెంటరీ జిల్లా అధ్యక్షుడు బి వై రామయ్య, రాష్ట కార్యదర్శి చెరుకులపాడు ప్రదీప్ రెడ్డి , మాజీ ఎమ్మెల్యే తమ్మారెడ్డి కుమారుడు తుగ్గలి ప్రతాపరెడ్డి ,తుగ్గలి ప్రహల్లాద రెడ్డి ఆధ్వర్యంలో కాంగ్రెస్, టీడీపీ నుండి వైసీపీలో చేరారు. చేరిన వారిలో కాంగ్రెస్ పార్టీ జిల్లా కార్యదర్శి,లలిత హోటల్ రామచంద్రయ్య తో పాటు500 కుటుంబాలు వైసీపీలో చేరారు. ఈ కార్యక్రమంలో వైఎస్ఆర్ పార్టీ జిల్లా కార్యదర్శి పగిడిరాయి జగన్నాథరెడ్డి, తుగ్గలి మండల కన్వీనర్ నాగేష్ ,జిల్లా కార్యదర్శి ఎర్రగుడి రామచంద్రారెడ్డి ,మండల కన్వీనర్ బజారప్ప జిల్లా అధికార ప్రతినిధి శ్రీరంగడు మరియు తుగ్గలి ,పత్తికొండ వైసీపీ పార్టీ నాయకులు పాల్గొన్నారు.