ఇక్కడ కనిపిస్తున్న వ్యక్తులు నాకు సరిగా గుర్తు రావటం లేదు..వారెవరో గుర్తించగలరా?

వివాస్ప‌ద ద‌ర్శ‌కుడు రామ్ గోపాల్ వ‌ర్మ ,ఎప్పుడు వివాదాల‌తోనే సావాసం చేస్తుంటాడు.వర్మకి తన సినిమాలపై బజ్ ఎలా క్రియేట్ చెయ్యాలో బాగా తెలుసు.వాటిని ఎలా ప‌బ్లిసిటీ చేసుకోవాలో వ‌ర్మ‌కు తెలిసినంత‌గా ఇంకెవరికి తెలియ‌దు.వ‌ర్మ తాజాగా తెర‌కెక్కిస్తున్న చిత్రం ల‌క్ష్మీస్ ఎన్టీఆర్‌. ఎన్టీఆర్ రెండో భార్య ల‌క్ష్మీ పార్వ‌తి ఆయ‌న జీవితంలోకి వ‌చ్చిన ద‌గ్గ‌ర నుంచి ఎన్టీఆర్ జీవితంలో చోటు చేసుకున్న సంఘ‌ట‌న‌ల ఆధారంగా ఈ సినిమాను తెర‌కెక్కిస్తున్నాడు.ముఖ్యంగా తెలుగుదేశం పార్టీ అధినేత ఏపీ సీఎం చంద్ర‌బాబును టార్గెట్ చేసుకుని ఈ సినిమాను తీస్తున్నాడు వ‌ర్మ.ఈ సినిమాకి సంబంధించిన పోస్టర్లు, పాటలు వైరల్ అవుతున్నాయి. ఇప్ప‌టికే విడుద‌ల చేసిన వెన్నుపోటు సాంగ్ సోష‌ల్ మీడియాలో వైర‌ల్‌గా మారింది.

తాజాగా రామ్ గోపాల్ వ‌ర్మ ప్రేక్ష‌కుల‌కు మ‌రో షాక్ ఇచ్చాడు.’బాహుబలి’ సినిమాలో ప్రభాస్ ని కట్టప్ప చంపే సీన్ లో ప్రభాస్ మొహాన్ని సీనియర్ ఎన్టీఆర్ తో, కట్టప్ప ముఖాన్ని చంద్రబాబు నాయుడుతో ఉన్నట్లుగా మార్చి ఓ పోస్ట‌ర్‌ను విడుద‌ల చేశాడు. ఈ ఫోటోను తన ట్విట్ట‌ర్‌లో పోస్ట్ చేస్తు.. “ఇక్కడ కనిపిస్తున్న వ్యక్తులు నాకు సరిగా గుర్తు రావటం లేదు.. . వారెవరో గుర్తుచేసుకోవడంలో నాకు సహాయం చేయగలరా?” అంటూ ప్రశ్నించాడు. ఫోటోలో క్యాప్షన్ “నెవర్ బెఫోర్.. నెవర్ ఆఫ్టర్”.. కింద సినిమా టైటిల్ లా ‘వెన్నుపోటు’ అంటూ క్యాపిటల్ లెటర్స్ లో ఉంది. వెన్నుపోటు సాంగ్‌పైనే ఫైర్ అయిన టీడీపీ వ‌ర్గం , మ‌రి ఈ పోస్ట‌ర్‌పై ఎలా స్పందిస్తుందో చూడాలి.