ఉగాది నుంచే నిరుద్యోగ భృతి..!!

ఎన్నికల ప్రచార మేనిఫెస్టో లో భాగంగా ప్రస్తుత అధికార టీఆర్ఎస్ పార్టీ రాష్ట్రంలో ఉన్న ప్రతి ఒక్క నిరుద్యోగికి నెలకు రూ.3016 భృతి అందజేస్తామని ప్రకటించిన సంగతి తెలిసిందే.ఈ క్రమంలోనే ఇచ్చిన మాట ప్రకారం నిరుద్యోగ భృతి హామీని నెరవేర్చేందుకు రాష్ట్ర ప్రభుత్వం పక్కా ప్రణాళికలను సిద్ధం చేసుకుంటోంది.ఇప్పటికే ముఖ్యమంత్రి కేసీఆర్ ఆదేశాల మేరకు నిరుద్యోగ భృతి ఎలా అమలు చేయాలి..దీనికి మార్గదర్శకాలు ఏమిటి.. లబ్ధిదారులను ఎలా గుర్తించాలనే అంశాలకు సంబంధించి అధికారులు కసరత్తు ప్రారంభించినట్లు సమాచారం. అయితే అంతా అనుకున్నట్లు జరిగితే రానున్న ఉగాది నుంచే నిరుద్యోగ భృతి అమలు కానుంది. ఒకవేళ అప్పటివరకు ఈ పక్రియ మొదలుకాకుంటే..తెలంగాణ ఆవిర్బావ దినోత్సవం జూన్ 2 నుంచి నిరుద్యోగ భృతి చెల్లించేలా అధికారులు రంగం సిద్ధం చేస్తున్నారు.