ఆంధ్రాలో కేసీఆర్‌కు భారీ స్వాగతం..!!

తెలంగాణ ముఖ్యమంత్రి కేసీఆర్‌కు ఆంధ్రప్రదేశ్ లో ఎంత ఫ్యాన్ ఫాలోయింగ్ ఉందో ఈరోజు మరోసారి రుజువు అయింది. ఇవాళ ముఖ్యమంత్రి కేసీఆర్ ఏపీ లోని విశాఖపట్నం శారదా పీఠాన్ని సందర్శించనున్న క్రమంలో పీఠంలో అన్ని ఏర్పాట్లు పూర్తయ్యాయి. పీఠంలోని రాజశ్యామల దేవాలయంలో ప్రత్యేక పూజలు నిర్వహించి, స్వరూపానందేంద్ర ఆశీస్సులు తీసుకుంటారు. ఈ నేపథ్యంలో ఆంధ్రప్రదేశ్‌లోని కేసీఆర్ అభిమానులు భారీ సంఖ్యలో ఫ్లెక్సీలు, బ్యానర్లు, తోరణాలు ఏర్పాటు చేశారు. విశాఖ విమానాశ్రం నుంచి శారదాపీఠం వెళ్లే రోడ్ మార్గం వరకు భారీగా కటౌట్లు పెట్టారు. దీంతో విశాఖ గులాబీ మయం అయిపోయింది.ప్రస్తుతం కేసీఆర్ కోసం ఏర్పాటు చేసిన ఫ్లెక్సీల వీడియో సోషల్ మీడియాలో హల్ చల్ చేస్తుంది.