స్వార్ధ రాజకీయాలతో ఎన్టీఆర్ కుటుంబాన్ని ముక్కలు చేసిన చంద్రబాబు

తెలంగాణ రాష్ట్రంలో టీడీపీ, కాంగ్రెస్‌ది అనైతిక పొత్తు అని బీజేపీ ఎమ్మెల్యే కిషన్‌ రెడ్డి వాఖ్యానించారు.ఎన్టీఆర్ సిద్ధాంతాలను సీఎం చంద్రబాబు పక్కనబెట్టారని ఆయన మండిపడ్డారు. రాష్ట్రాన్ని విభజించి ఏపీకి కాంగ్రెస్‌ ద్రోహం చేసిందన్న చంద్రబాబు.. ఏ ముఖం పెట్టుకుని కాంగ్రెస్‌తో జట్టుకడతారని ప్రశ్నించారు.ఎన్టీఆర్ అభిమానులు, టీడీపీ కార్యకర్తలు చంద్రబాబును తిప్పికొట్టాలని అన్నారు.

మీ స్వార్ధ రాజకీయాలతో ఎన్టీఆర్ కుటుంబాన్ని ముక్కలు చేసాడని చెప్పారు.ఈనెల 15న పాలమూరు నుంచి ఎన్నికల ప్రచారం నిర్వహిస్తామని, పాలమూరు సభకు ఆ పార్టీ జాతీయ అధ్యక్షుడు అమిత్‌ షా హాజరవుతారని ఆయన తెలిపారు.