కుక్ ఆల్‌టైమ్ డ్రీమ్ టీమ్‌లో కనిపించని భారత్ దిగ్గజాలు

భారత్‌తో ఐదో టెస్ట్ తర్వాత ఇంగ్లాండ్ స్టార్ బ్యాట్స్‌మెన్ అలిస్టర్ కుక్ క్రికెట్‌కు గుడ్ బై చెబుతున్నాడు.ఈ నేపథ్యంలో 11 మందితో కూడిన తన ఆల్‌టైమ్ డ్రీమ్ టీమ్‌ను ప్రకటించాడు.
దిగ్గజాలకు తన టీమ్‌లో స్థానం కల్పించిన కుక్… కెప్టెన్‌గా ఇంగ్లండ్ మాజీ సారథి గ్రాహం గూచ్‌ను ఎంచ్చుకోగా, ఓపెనర్స్‌గా గూచ్.. ఆసీస్ స్టార్ మాథ్యూ హేడెన్… మిడిలార్డర్‌లో లారా, పాంటింగ్, డివిలియర్స్, కలిస్, వికెట్ కీపర్‌గా సంగక్కర.. పేసర్లుగా అండర్సన్, మెక్‌గ్రాత్.. స్పిన్నర్లుగా మురళీధరన్, షేన్‌వార్న్‌లకు చోటు కల్పించాడు.
అయితే ఇతని డ్రీమ్ టీమ్ ఎంపికపై విమర్శలు వస్తున్నాయి.కుక్ ఆడిన సమయంలో దిగ్గజాలు అనదగ్గ వారందరినీ ఎంపిక కేసిన కుక్‌కు భారత్ నుంచి దిగ్గజాలు ఎవరూ కనిపించలేదా అంటూ నెటిజన్లు కామెంట్ చేస్తున్నారు. మాస్టర్ బ్లాస్టర్ సచిన్ టెండూల్కర్, రాహుల్ ద్రావిడ్, గంగూలి, సెహ్వాగ్‌, కుంబ్లే‌లు దిగ్గజాలుగా కనిపించలేదా అని ప్రశ్నించారు.