వర్మ సమర్పణలో “భైర‌వ గీత”

వివాదాల‌కు మారు పేరు రాంగోపాల్ వ‌ర్మ‌, ఇది అంద‌రికి తెలిసిన విష‌య‌మే, ఐతే ఇప్పుడు రామ్ గోపాల్ వర్మ సమర్పణలో .. సిద్ధార్థ దర్శకత్వంలో “భైరవగీతం” అనే చిత్రం రూపొందింది. “భైర‌వ గీత” అనే టైటిల్ పేరు విని ఇది దయ్యాల సినిమా అనుకోకండి, ఇది రాయ‌ల‌సీమ ఫాక్ష‌న్ సినిమాఅట‌… ధనుంజయ, ఇర్రా జంటగా నటించిన ఈ సినిమా నుంచి తాజాగా ఫస్టు ట్రైలర్ ను రిలీజ్ చేశారు. రాయ‌ల‌సీమలోని ఒక గ్రామం .. ఆ గ్రామంలోని ఒక ప్రేమికుల జంట .. ఆ జంటను విడదీసేందుకు అమ్మాయి కుటుంబ సభ్యులు చేసే విఫ‌ల ప్రయత్నాలు .. వాళ్లను ధైర్యంగా హిరొ ఎదుర్కోవడం ఇవన్ని చూపించి ఈ టీజర్ ను కట్ చేశారు.
ఈ సినిమాలో ఓక డైలాగ్ “ఎవ్వరినీ ఇడిసి పెట్టొద్దూ .. ఏడిపిద్దాం .. ఒక్కొక్కణ్ణి చంటిపిల్లల్లా గుక్కపట్టి ఏడ్చేలా ఏడిపిద్దాం .. ఆళ్ల రక్తంతో ఈ సీమకి అభిషేకం చేద్దాం” అని కథానాయకుడు చెప్పిన డైలాగ్ సినిమాపై ఆసక్తిని పెంచుతోంది. అభిషేక్ నామా,భాస్కర్ రాశి సంయుక్తంగా నిర్మించిన ఈ సినిమా త్వరలోనే ప్రేక్షకులముందుకు రానుంది. ఈ సినిమా క‌ధ య‌ధార్ధ క‌ధ ఆధారంగా రూపొందించార‌ని తెలిసింది.